𑒬𑓂𑒩𑒲𑒧𑒰𑒩𑓂𑒏𑓂𑒏𑒝𑓂𑒛𑒹𑒨𑒣𑒳𑒩𑒰𑒝𑒹 𑒮𑒰𑒫𑒩𑓂𑒝𑓂𑒝𑒱𑒏𑒹 𑒧𑒢𑓂𑒫𑒢𑓂𑒞𑒩𑒹 𑒠𑒹𑒫𑒲𑒧𑒰𑒯𑒰𑒞𑓂𑒧𑓂𑒨𑒹 𑒢𑒱𑒬𑒳𑒧𑓂𑒦𑒫𑒡𑓁॥𑓙॥ – श्रीमार्क्कण्डेयपुराणे सावर्ण्णिके मन्वन्तरे देवीमाहात्म्ये निशुम्भवधः॥९॥

𑒩𑒰𑒖𑒼𑒫𑒰𑒔॥𑓑॥

राजोवाच॥१॥

𑒫𑒱𑒔𑒱𑒞𑓂𑒩𑒧𑒱𑒠𑒧𑒰𑒐𑓂𑒨𑒰𑒞𑓀 𑒦𑒑𑒫𑒢𑓂𑒦𑒫𑒞𑒰 𑒧𑒧।
𑒠𑒹𑒫𑓂𑒨𑒰𑒬𑓂𑒔𑒠𑒩𑒱𑒞𑒧𑒰𑒯𑒰𑒞𑓂𑒧𑓂𑒨𑓀 𑒩𑒏𑓂𑒞𑒥𑒲𑒖𑒫𑒡𑒰𑒬𑓂𑒩𑒱𑒞𑒧𑓂॥𑓒॥

विचित्रमिदमाख्यातं भगवन्भवता मम।
देव्याश्चदरितमाहात्म्यं रक्तबीजवधाश्रितम्॥२॥

𑒦𑒴𑒨𑒬𑓂𑒔𑒹𑒔𑓂𑒕𑒰𑒧𑓂𑒨𑒯𑓀 𑒬𑓂𑒩𑒼𑒞𑒳𑓀 𑒩𑒏𑓂𑒞𑒥𑒲𑒖𑒹 𑒢𑒱𑒣𑒰𑒞𑒱𑒞𑒹।
𑒔𑒏𑒰𑒩 𑒬𑒳𑒧𑓂𑒦𑒼 𑒨𑒞𑓂𑒏𑒩𑓂𑒧 𑒢𑒱𑒬𑒳𑒧𑓂𑒦𑒬𑓂𑒔𑒰𑒞𑒱𑒏𑒼𑒣𑒢𑓁॥𑓓॥

भूयश्चेच्छाम्यहं श्रोतुं रक्तबीजे निपातिते।
चकार शुम्भो यत्कर्म निशुम्भश्चातिकोपनः॥३॥

𑒇𑒭𑒱𑒩𑒳𑒫𑒰𑒔॥𑓔॥

ऋषिरुवाच॥४॥

𑒔𑒏𑒰𑒩 𑒏𑒼𑒣𑒧𑒞𑒳𑒪𑓀 𑒩𑒏𑓂𑒞𑒥𑒲𑒖𑒹 𑒢𑒱𑒣𑒰𑒞𑒱𑒞𑒹।
𑒬𑒳𑒧𑓂𑒦𑒰𑒮𑒳𑒩𑒼 𑒢𑒱𑒬𑒳𑒧𑓂𑒦𑒬𑓂𑒔𑒹 𑒯𑒞𑒹𑒭𑓂𑒫𑒢𑓂𑒨𑒹𑒭𑒳 𑒔𑒰𑒯𑒫𑒹॥𑓕॥

चकार कोपमतुलं रक्तबीजे निपातिते।
शुम्भासुरो निशुम्भश्चे हतेष्वन्येषु चाहवे॥५॥

𑒯𑒢𑓂𑒨𑒧𑒰𑒢𑓀 𑒧𑒯𑒰𑒮𑒻𑒢𑓂𑒨𑓀 𑒫𑒱𑒪𑒼𑒏𑓂𑒨𑒰𑒧𑒩𑓂𑒭𑒧𑒳𑒠𑓂𑒫𑒯𑒢𑓂।
𑒁𑒦𑓂𑒨𑒡𑒰𑒫𑒢𑓂𑒢𑒱𑒬𑒳𑒧𑓂𑒦𑒼𑓄𑒟 𑒧𑒳𑒐𑓂𑒨𑒨𑒰𑒮𑒳𑒩𑒮𑒹𑒢𑒨𑒰॥𑓖॥

हन्यमानं महासैन्यं विलोक्यामर्षमुद्वहन्।
अभ्यधावन्निशुम्भोऽथ मुख्ययासुरसेनया॥६॥

𑒞𑒮𑓂𑒨𑒰𑒑𑓂𑒩𑒞𑒮𑓂𑒞𑒟𑒰 𑒣𑒵𑒭𑓂𑒚𑒹 𑒣𑒰𑒩𑓂𑒬𑓂𑒫𑒩𑒨𑒼𑒬𑓂𑒔 𑒧𑒯𑒰𑓄𑒮𑒳𑒩𑒰𑓁।
𑒮𑒢𑓂𑒠𑒭𑓂𑒙𑒾𑒭𑓂𑒚𑒣𑒳𑒙𑒰𑓁 𑒏𑓂𑒩𑒳𑒠𑓂𑒡𑒰 𑒯𑒢𑓂𑒞𑒳𑒢𑓂𑒠𑒹𑒫𑒲𑒧𑒳𑒣𑒰𑒨𑒨𑒳𑓁॥𑓗॥

तस्याग्रतस्तथा पृष्ठे पार्श्वरयोश्च महाऽसुराः।
सन्दष्टौष्ठपुटाः क्रुद्धा हन्तुन्देवीमुपाययुः॥७॥

𑒂𑒖𑒑𑒰𑒧 𑒧𑒯𑒰𑒫𑒲𑒩𑓂𑒨𑓂𑒨𑓁 𑒬𑒳𑒧𑓂𑒦𑒼𑓄𑒣𑒱 𑒮𑓂𑒫𑒥𑒪𑒻𑒩𑓂𑒫𑓂𑒫𑒵𑒞𑓁।
𑒢𑒱𑒯𑒢𑓂𑒞𑒳𑒘𑓂𑒔𑒝𑓂𑒛𑒱𑒏𑒰𑓀 𑒏𑒼𑒣𑒰𑒞𑓂𑒏𑒵𑒞𑓂𑒫𑒰 𑒨𑒳𑒠𑓂𑒡𑒢𑓂𑒞𑒳 𑒧𑒰𑒞𑒵𑒦𑒱𑓁॥𑓘॥

आजगाम महावीर्य्यः शुम्भोऽपि स्वबलैर्व्वृतः।
निहन्तुञ्चण्डिकां कोपात्कृत्वा युद्धन्तु मातृभिः॥८॥

𑒞𑒞𑒼 𑒨𑒳𑒠𑓂𑒡𑒧𑒞𑒲𑒫𑒰𑒮𑒲𑒠𑓂𑒠𑒹𑒫𑓂𑒨𑒰𑓁 𑒬𑒳𑒧𑓂𑒦𑒢𑒱𑒬𑒳𑒧𑓂𑒦𑒨𑒼𑓁।
𑒬𑒩𑒫𑒩𑓂𑒭𑒧𑒞𑒲𑒫𑒼𑒑𑓂𑒩𑓀 𑒧𑒹𑒒𑒨𑒼𑒩𑒱𑒫 𑒫𑒩𑓂𑒭𑒞𑒼𑓁॥𑓙॥

ततो युद्धमतीवासीद्देव्याः शुम्भनिशुम्भयोः।
शरवर्षमतीवोग्रं मेघयोरिव वर्षतोः॥९॥

𑒔𑒱𑒔𑓂𑒕𑒹𑒠𑒰𑒮𑓂𑒞𑒰𑒘𑓂𑒕𑒩𑒰𑒿𑒮𑓂𑒞𑒰𑒦𑓂𑒨𑒰𑓀 𑒔𑒝𑓂𑒛𑒱𑒏𑒰𑒮𑓂𑒫𑒬𑒩𑒼𑒞𑓂𑒏𑒩𑒻𑓁।
𑒞𑒰𑒛𑓃𑒨𑒰𑒧𑒰𑒮 𑒔𑒰𑒓𑓂𑒑𑒹𑒭𑒳 𑒬𑒮𑓂𑒞𑓂𑒩𑒾𑒒𑒻𑒩𑒮𑒳𑒩𑒹𑒬𑓂𑒫𑒩𑒾॥𑓑𑓐॥

चिच्छेदास्ताञ्छराँस्ताभ्यां चण्डिकास्वशरोत्करैः।
ताड़यामास चाङ्‌गेषु शस्त्रौघैरसुरेश्वरौ॥१०॥

𑒢𑒱𑒬𑒳𑒧𑓂𑒦𑒼 𑒢𑒱𑒬𑒱𑒞𑓀 𑒐𑒛𑓂𑒑𑒘𑓂𑒔𑒩𑓂𑒧𑓂𑒧𑒔𑒰𑒠𑒰𑒨 𑒮𑒳𑒣𑓂𑒩𑒦𑒧𑓂।
𑒁𑒞𑒰𑒛𑓃𑒨𑒢𑓂𑒧𑒴𑒩𑓂𑒡𑓂𑒢𑒱 𑒮𑒱𑓀𑒯𑓀 𑒠𑒹𑒫𑓂𑒨𑒰 𑒫𑒰𑒯𑒢𑒧𑒳𑒞𑓂𑒞𑒧𑒧𑓂॥𑓑𑓑॥

निशुम्भो निशितं खड्‌गञ्चर्म्मचादाय सुप्रभम्।
अताड़यन्मूर्ध्नि सिंहं देव्या वाहनमुत्तमम्॥११॥

𑒞𑒰𑒛𑓃𑒱𑒞𑒹 𑒫𑒰𑒯𑒢𑒹 𑒠𑒹𑒫𑒲 𑒏𑓂𑒭𑒳𑒩𑒣𑓂𑒩𑒹𑒝𑒰𑒮𑒱𑒧𑒳𑒞𑓂𑒞𑒧𑒧𑓂।
𑒢𑒱𑒬𑒳𑒧𑓂𑒦𑒮𑓂𑒨𑒰𑒬𑒳 𑒔𑒱𑒔𑓂𑒕𑒹𑒠 𑒔𑒩𑓂𑒧 𑒔𑒰𑒣𑓂𑒨𑒭𑓂𑒙𑒔𑒢𑓂𑒠𑓂𑒩𑒏𑒧𑓂॥𑓑𑓒॥

ताड़िते वाहने देवी क्षुरप्रेणासिमुत्तमम्।
निशुम्भस्याशु चिच्छेद चर्म चाप्यष्टचन्द्रकम्॥१२॥

𑒕𑒱𑒢𑓂𑒢𑒹 𑒔𑒩𑓂𑒧𑓂𑒧𑒝𑒱 𑒐𑒛𑓂𑒑𑒹 𑒔 𑒬𑒏𑓂𑒞𑒱𑓀 𑒔𑒱𑒏𑓂𑒭𑒹𑒣𑒮𑒼𑓄𑒮𑒳𑒩:।
𑒞𑒰𑒧𑒣𑓂𑒨𑒮𑓂𑒨 𑒠𑓂𑒫𑒱𑒡𑒰 𑒔𑒏𑓂𑒩𑒹 𑒔𑒏𑓂𑒩𑒹𑒝𑒰𑒦𑒱𑒧𑒳𑒐𑒰𑒑𑒞𑒰𑒧𑓂॥𑓑𑓓॥

छिन्ने चर्म्मणि खड्गे च शक्तिं चिक्षेपसोऽसुर:।
तामप्यस्य द्विधा चक्रे चक्रेणाभिमुखागताम्॥१३॥

𑒏𑒼𑒣𑒰𑒡𑓂𑒧𑒰𑒞𑒼 𑒢𑒱𑒬𑒳𑒧𑓂𑒦𑒼𑓄𑒟 𑒬𑒴𑒪𑓀 𑒖𑒑𑓂𑒩𑒰𑒯 𑒠𑒰𑒢𑒫𑓁।
𑒂𑒨𑒰𑒞𑓀 𑒧𑒳𑒭𑓂𑒙𑒱𑒣𑒰𑒞𑒹𑒢 𑒠𑒹𑒫𑒲 𑒞𑒔𑓂𑒔𑒰𑒣𑓂𑒨𑒔𑒴𑒩𑓂𑒝𑒨𑒞𑓂॥𑓑𑓔॥

कोपाध्मातो निशुम्भोऽथ शूलं जग्राह दानवः।
आयातं मुष्टिपातेन देवी तच्चाप्यचूर्णयत्॥१४॥

𑒂𑒫𑒱𑒡𑓂𑒨𑒰𑒟 𑒑𑒠𑒰𑓀 𑒮𑒼𑓄𑒣𑒱 𑒔𑒱𑒏𑓂𑒭𑒹𑒣 𑒔𑒝𑓂𑒛𑒱𑒏𑒰𑒧𑓂𑒣𑓂𑒩𑒞𑒱।
𑒮𑒰𑒣𑒱 𑒠𑒹𑒫𑓂𑒨𑒰 𑒞𑓂𑒩𑒱𑒬𑒴𑒪𑒹𑒢 𑒦𑒱𑒢𑓂𑒢𑒰 𑒦𑒮𑓂𑒧𑒞𑓂𑒫𑒧𑒰𑒑𑒞𑒰॥𑓑𑓕॥

आविध्याथ गदां सोऽपि चिक्षेप चण्डिकाम्प्रति।
सापि देव्या त्रिशूलेन भिन्ना भस्मत्वमागता॥१५॥

𑒞𑒞𑓁 𑒣𑒩𑒬𑒳𑒯𑒮𑓂𑒞𑓀 𑒞𑒧𑒰𑒨𑒰𑒢𑓂𑒞𑓀 𑒠𑒻𑒞𑓂𑒨𑒣𑒳𑒓𑓂𑒑𑒫𑒧𑓂।
𑒂𑒯𑒞𑓂𑒨 𑒠𑒹𑒫𑒲 𑒥𑒰𑒝𑒾𑒒𑒻𑒩𑒣𑒰𑒞𑒨𑒞 𑒦𑒴𑒞𑒪𑒹॥𑓑𑓖॥

ततः परशुहस्तं तमायान्तं दैत्यपुङ्‌गवम्।
आहत्य देवी बाणौघैरपातयत भूतले॥१६॥

𑒞𑒮𑓂𑒧𑒱𑒢𑓂𑒢𑒱𑒣𑒞𑒱𑒞𑒹 𑒦𑒴𑒧𑒾 𑒢𑒱𑒬𑒳𑒧𑓂𑒦𑒹 𑒦𑒲𑒧𑒫𑒱𑒏𑓂𑒩𑒧𑒹।
𑒦𑓂𑒩𑒰𑒞𑒩𑓂𑒨𑓂𑒨𑒞𑒲𑒫 𑒮𑓀𑒏𑓂𑒩𑒳𑒠𑓂𑒡𑓁 𑒣𑓂𑒩𑒨𑒨𑒾 𑒯𑒢𑓂𑒞𑒳𑒧𑒧𑓂𑒥𑒱𑒏𑒰𑒧𑓂॥𑓑𑓗॥

तस्मिन्निपतिते भूमौ निशुम्भे भीमविक्रमे।
भ्रातर्य्यतीव संक्रुद्धः प्रययौ हन्तुमम्बिकाम्॥१७॥

𑒮 𑒩𑒟𑒮𑓂𑒟𑒮𑓂𑒞𑒟𑒰𑓄𑒞𑓂𑒨𑒳𑒔𑓂𑒔𑒻𑒩𑓂𑒑𑓂𑒑𑒵𑒯𑒲𑒞𑒣𑒩𑒧𑒰𑓄𑓄𑒨𑒳𑒡𑒻𑓁।
𑒦𑒳𑒖𑒻𑒩𑒭𑓂𑒙𑒰𑒦𑒱𑒩𑒞𑒳𑒪𑒻𑒩𑒖𑓂𑒘𑒩𑓂𑒫𑓂𑒫𑓂𑒨𑒰𑒣𑓂𑒨𑒰𑒬𑒹𑒭𑒧𑓂𑒥𑒦𑒾 𑒢𑒦𑓁॥𑓑𑓘॥
स रथस्थस्तथाऽत्युच्चैर्ग्गृहीतपरमाऽऽयुधैः।
भुजैरष्टाभिरतुलैरज्ञर्व्व्याप्याशेषम्बभौ नभः॥१८॥

𑒞𑒧𑒰𑒨𑒰𑒢𑓂𑒞𑓀 𑒮𑒧𑒰𑒪𑒼𑒏𑓂𑒨 𑒠𑒹𑒫𑒲 𑒬𑒓𑓂𑒐𑒧𑒫𑒰𑒠𑒨𑒞𑓂।
𑒖𑓂𑒨𑒰𑒬𑒥𑓂𑒠𑒘𑓂𑒔𑒰𑒣𑒱 𑒡𑒢𑒳𑒭𑒬𑓂𑒔𑒏𑒰𑒩𑒰𑒞𑒲𑒫 𑒠𑒳𑒮𑓂𑒮𑒯𑒧𑓂॥𑓑𑓙॥

तमायान्तं समालोक्य देवी शङ्‌खमवादयत्।
ज्याशब्दञ्चापि धनुषश्चकारातीव दुस्सहम्॥१९॥

𑒣𑒴𑒩𑒨𑒰𑒧𑒰𑒮 𑒏𑒏𑒳𑒦𑒼 𑒢𑒱𑒖𑒒𑒝𑓂𑒙𑒰𑒮𑓂𑒫𑒢𑒹𑒢 𑒔।
𑒮𑒧𑒮𑓂𑒞𑒠𑒻𑒞𑓂𑒨𑒮𑒻𑒢𑓂𑒨𑒰𑒢𑒰𑒢𑓂𑒞𑒹𑒖𑒼𑒫𑒡𑒫𑒱𑒡𑒰𑒨𑒱𑒢𑒰॥𑓒𑓐॥

पूरयामास ककुभो निजघण्टास्वनेन च।
समस्तदैत्यसैन्यानान्तेजोवधविधायिना॥२०॥

𑒞𑒞𑓁 𑒮𑒱𑓀𑒯𑒼 𑒧𑒯𑒰𑒢𑒰𑒠𑒻𑒮𑓂𑒞𑓂𑒨𑒰𑒖𑒱𑒞𑒹𑒦𑒧𑒯𑒰𑒧𑒠𑒻𑓁।
𑒣𑒴𑒩𑒨𑒰𑒧𑒰𑒮 𑒑𑒑𑒢𑓀 𑒑𑒰𑒢𑓂𑒞𑒟𑒼𑒣𑒠𑒱𑒬𑒼𑒠𑒬॥𑓒𑓑॥
ततः सिंहो महानादैस्त्याजितेभमहामदैः।
पूरयामास गगनं गान्तथोपदिशोदश॥२१॥

𑒞𑒞𑓁 𑒏𑒰𑒪𑒲 𑒮𑒧𑒳𑒞𑓂𑒣𑒞𑓂𑒨 𑒑𑒑𑒢𑓀 𑒏𑓂𑒭𑓂𑒧𑒰𑒧𑒞𑒰𑒛𑓃𑒨𑒞𑓂।
𑒏𑒩𑒰𑒦𑓂𑒨𑒰𑓀 𑒞𑒢𑓂𑒢𑒱𑒢𑒰𑒠𑒹𑒢 𑒣𑓂𑒩𑒰𑒏𑓂𑒮𑓂𑒫𑒢𑒰𑒮𑓂𑒞𑒹 𑒞𑒱𑒩𑒼𑒯𑒱𑒞𑒰𑓁॥𑓒𑓒॥
ततः काली समुत्पत्य गगनं क्ष्मामताड़यत्।
कराभ्यां तन्निनादेन प्राक्स्वनास्ते तिरोहिताः॥२२॥

𑒁𑒙𑓂𑒙𑒰𑒙𑓂𑒙𑒯𑒰𑒮𑒧𑒬𑒱𑒫𑓀 𑒬𑒱𑒫𑒠𑒴𑒞𑒲 𑒔𑒏𑒰𑒩 𑒯।
𑒞𑒻𑓁 𑒬𑒥𑓂𑒠𑒻𑒩𑒮𑒳𑒩𑒰𑒮𑓂𑒞𑓂𑒩𑒹𑒮𑒳𑓁 𑒬𑒳𑒧𑓂𑒦𑓁 𑒏𑒼𑒣𑒧𑓂𑒣𑒩𑒨𑓂𑒿𑒨𑒨𑒾॥𑓒𑓓॥
अट्टाट्टहासमशिवं शिवदूती चकार ह।
तैः शब्दैरसुरास्त्रेसुः शुम्भः कोपम्परय्ँययौ॥२३॥

𑒠𑒳𑒩𑒰𑒞𑓂𑒧𑒿𑒮𑓂𑒞𑒱𑒭𑓂𑒚𑒞𑒱𑒭𑓂𑒚𑒹𑒞𑒱 𑒫𑓂𑒨𑒰𑒖𑒯𑒰𑒩𑒰𑒧𑓂𑒥𑒱𑒏𑒰 𑒨𑒠𑒰।
𑒞𑒠𑒰 𑒖𑒨𑒹𑒞𑓂𑒨𑒦𑒱𑒯𑒱𑒞𑒢𑓂𑒠𑒹𑒫𑒻𑒩𑒰𑒏𑒰𑒬𑒮𑓀𑒮𑓂𑒟𑒱𑒞𑒻𑓁॥𑓒𑓔॥
दुरात्मँस्तिष्ठतिष्ठेति व्याजहाराम्बिका यदा।
तदा जयेत्यभिहितन्देवैराकाशसंस्थितैः॥२४॥

𑒬𑒳𑒧𑓂𑒦𑒹𑒢𑒰𑒑𑒞𑓂𑒨 𑒨𑒰 𑒬𑒏𑓂𑒞𑒱𑒩𑓂𑒧𑒳𑒏𑓂𑒞𑒰 𑒖𑓂𑒫𑒰𑒪𑒰𑒞𑒱𑒦𑒲𑒭𑒝𑒰।
𑒂𑒨𑒰𑒢𑓂𑒞𑒲 𑒫𑒯𑓂𑒢𑒱𑒏𑒴𑒙𑒰𑒦𑒰 𑒮𑒰 𑒢𑒱𑒩𑒮𑓂𑒞𑒰 𑒧𑒯𑒼𑒪𑓂𑒏𑒨𑒰॥𑓒𑓕॥
शुम्भेनागत्य या शक्तिर्मुक्ता ज्वालातिभीषणा।
आयान्ती वह्निकूटाभा सा निरस्ता महोल्कया॥२५॥

𑒮𑒱𑓀𑒯𑒢𑒰𑒠𑒹𑒢 𑒬𑒳𑒧𑓂𑒦𑒮𑓂𑒨 𑒫𑓂𑒨𑒰𑒣𑓂𑒞𑓀 𑒪𑒼𑒏𑒞𑓂𑒩𑒨𑒰𑒢𑓂𑒞𑒩𑒧𑓂।
𑒢𑒱𑒩𑓂𑒒𑒰𑒞𑒢𑒱𑓁𑒮𑓂𑒫𑒢𑒼 𑒒𑒼𑒩𑒼 𑒖𑒱𑒞𑒫𑒰𑒢𑒫𑒢𑒲𑒣𑒞𑒹॥𑓒𑓖॥
सिंहनादेन शुम्भस्य व्याप्तं लोकत्रयान्तरम्।
निर्घातनिःस्वनो घोरो जितवानवनीपते॥२६॥

𑒬𑒳𑒧𑓂𑒦𑒧𑒳𑒏𑓂𑒞𑒰𑒘𑓂𑒕𑒩𑒰𑒢𑓂𑒠𑒹𑓂𑒫𑒲 𑒬𑒳𑒧𑓂𑒦𑒮𑓂𑒞𑒞𑓂𑒣𑓂𑒩𑒯𑒱𑒞𑒰𑒘𑓂𑒕𑒩𑒰𑒢𑓂।
𑒔𑒱𑒔𑓂𑒕𑒹𑒠 𑒮𑓂𑒫𑒬𑒩𑒻𑒩𑒳𑒑𑓂𑒩𑒻𑓁 𑒬𑒞𑒬𑒼𑓄𑒟 𑒮𑒯𑒮𑓂𑒩𑒬𑓁॥𑓒𑓗॥
शुम्भमुक्ताञ्छरान्दे्वी शुम्भस्तत्प्रहिताञ्छरान्।
चिच्छेद स्वशरैरुग्रैः शतशोऽथ सहस्रशः॥२७॥

𑒞𑒞𑓁 𑒮𑒰 𑒔𑒝𑓂𑒛𑒱𑒏𑒰 𑒏𑓂𑒩𑒳𑒠𑓂𑒡𑒰 𑒬𑒴𑒪𑒹𑒢𑒰𑒦𑒱𑒖𑒒𑒰𑒢 𑒞𑒧𑓂।
𑒮 𑒞𑒠𑒰𑒦𑒱𑒯𑒞𑒼 𑒦𑒴𑒧𑒾 𑒧𑒴𑒩𑓂𑒔𑓂𑒕𑒱𑒞𑒼 𑒢𑒱𑒣𑒣𑒰𑒞𑒯॥𑓒𑓘॥
ततः सा चण्डिका क्रुद्धा शूलेनाभिजघान तम्।
स तदाभिहतो भूमौ मूर्च्छितो निपपातह॥२८॥

𑒞𑒞𑒼 𑒢𑒱𑒬𑒳𑒧𑓂𑒦𑓁 𑒮𑒧𑓂𑒣𑓂𑒩𑒰𑒣𑓂𑒨 𑒔𑒹𑒞𑒢𑒰𑒧𑒰𑒞𑓂𑒞𑒏𑒰𑒩𑓂𑒧𑓂𑒧𑒳𑒏𑓁।
𑒂𑒖𑒒𑒰𑒢 𑒬𑒩𑒻𑒩𑓂𑒠𑓂𑒠𑒹𑒫𑒲𑒓𑓂𑒏𑒰𑒪𑒲𑓀 𑒏𑒹𑒮𑒩𑒱𑒝𑓀 𑒞𑒟𑒰॥𑓒𑓙॥
ततो निशुम्भः सम्प्राप्य चेतनामात्तकार्म्मुकः।
आजघान शरैर्द्देवीङ्कालीं केसरिणं तथा॥२९॥

𑒣𑒳𑒢𑒬𑓂𑒔𑒬 𑒏𑒵𑒞𑓂𑒫𑒰 𑒥𑒰𑒯𑒴𑒢𑒰𑒧𑒨𑒳𑒞𑒢𑓂𑒠𑒢𑒳𑒖𑒹𑒬𑓂𑒫𑒟𑒩𑓁।
𑒔𑒏𑓂𑒩𑒰𑒨𑒳𑒡𑒹𑒢 𑒠𑒱𑒞𑒱𑒖𑒬𑓂𑒕𑒰𑒠𑒨𑒰𑒧𑒰𑒮 𑒔𑒝𑓂𑒛𑒱𑒏𑒰𑒧𑓂॥𑓓𑓐॥
पुनश्चश कृत्वा बाहूनामयुतन्दनुजेश्वथरः।
चक्रायुधेन दितिजश्छादयामास चण्डिकाम्॥३०॥

𑒞𑒞𑒼 𑒦𑒑𑒫𑒞𑒲 𑒏𑓂𑒩𑒳𑒠𑓂𑒡𑒰 𑒠𑒳𑒩𑓂𑒑𑓂𑒑𑒰 𑒠𑒳𑒩𑓂𑒑𑓂𑒑𑒰𑒩𑓂𑒞𑓂𑒞𑒱𑒢𑒰𑒬𑒱𑒢𑒲।
𑒔𑒱𑒔𑓂𑒕𑒹𑒠 𑒞𑒰𑒢𑒱 𑒔𑒏𑓂𑒩𑒰𑒝𑒱 𑒮𑓂𑒫𑒬𑒩𑒻𑓁 𑒮𑒰𑒨𑒏𑒰𑓀𑒬𑓂𑒔𑒬 𑒞𑒰𑒢𑓂॥𑓓𑓑॥
ततो भगवती क्रुद्धा दुर्ग्गा दुर्ग्गार्त्तिनाशिनी।
चिच्छेद तानि चक्राणि स्वशरैः सायकांश्चश तान्॥३१॥

𑒞𑒞𑒼 𑒢𑒱𑒬𑒳𑒧𑓂𑒦𑒼 𑒫𑒹𑒑𑒹𑒢 𑒑𑒠𑒰𑒧𑒰𑒠𑒰𑒨 𑒔𑒝𑓂𑒛𑒱𑒏𑒰𑒧𑓂।
𑒁𑒦𑓂𑒨𑒡𑒰𑒫𑒞 𑒫𑒻 𑒯𑒢𑓂𑒞𑒳𑒢𑓂𑒠𑒻𑒞𑓂𑒨𑒮𑒹𑒢𑒰𑒮𑒧𑒰𑒫𑒵𑒞𑓁॥𑓓𑓒॥
ततो निशुम्भो वेगेन गदामादाय चण्डिकाम्।
अभ्यधावत वै हन्तुन्दैत्यसेनासमावृतः॥३२॥

𑒞𑒮𑓂𑒨𑒰𑒣𑒞𑒞 𑒋𑒫𑒰𑒬𑒳 𑒑𑒠𑒰𑒘𑓂𑒔𑒱𑒔𑓂𑒕𑒹𑒠 𑒔𑒝𑓂𑒛𑒱𑒏𑒰।
𑒐𑒛𑓂𑒑𑒹𑒢 𑒬𑒱𑒞𑒡𑒰𑒩𑒹𑒝 𑒮 𑒔 𑒬𑒴𑒪𑓀 𑒮𑒧𑒰𑒠𑒠𑒹॥𑓓𑓓॥
तस्यापतत एवाशु गदाञ्चिच्छेद चण्डिका।
खड्‌गेन शितधारेण स च शूलं समाददे॥३३॥

𑒬𑒴𑒪𑒯𑒮𑓂𑒞𑒢𑓂𑒮𑒧𑒰𑒨𑒰𑒢𑓂𑒞𑓀 𑒢𑒱𑒬𑒳𑒧𑓂𑒦𑒧𑒧𑒩𑒰𑒩𑓂𑒠𑓂𑒠𑒢𑒧𑓂।
𑒯𑒵𑒠𑒱 𑒫𑒱𑒫𑓂𑒨𑒰𑒡 𑒬𑒴𑒪𑒹𑒢 𑒫𑒹𑒑𑒰𑒫𑒱𑒠𑓂𑒡𑒹𑒢 𑒔𑒝𑓂𑒛𑒱𑒏𑒰॥𑓓𑓔॥
शूलहस्तन्समायान्तं निशुम्भममरार्द्दनम्।
हृदि विव्याध शूलेन वेगाविद्धेन चण्डिका॥३४॥

𑒦𑒱𑒢𑓂𑒢𑒮𑓂𑒨 𑒞𑒮𑓂𑒨 𑒬𑒴𑒪𑒹𑒢 𑒯𑒵𑒠𑒨𑒰𑒢𑓂𑒢𑒱𑓁 𑒮𑒵𑒞𑒼𑓄𑒣𑒩𑓁।
𑒧𑒯𑒰𑒥𑒪𑒼 𑒧𑒯𑒰𑒫𑒲𑒩𑓂𑒨𑓂𑒨𑒮𑓂𑒞𑒱𑒭𑓂𑒚𑒹𑒞𑒱 𑒣𑒳𑒩𑒳𑒭𑒼𑓄𑒫𑒠𑒢𑓂॥𑓓𑓕॥
भिन्नस्य तस्य शूलेन हृदयान्निः सृतोऽपरः।
महाबलो महावीर्य्यस्तिष्ठेति पुरुषोऽवदन्॥३५॥

𑒞𑒮𑓂𑒨 𑒢𑒱𑒭𑓂𑒏𑓂𑒩𑒰𑒧𑒞𑒼 𑒠𑒹𑒫𑒲 𑒣𑓂𑒩𑒯𑒮𑓂𑒨 𑒮𑓂𑒫𑒢𑒫𑒞𑓂𑒞𑒞𑓁।
𑒬𑒱𑒩𑒬𑓂𑒔𑒱𑒔𑓂𑒕𑒹𑒠 𑒐𑒛𑓂𑒑𑒹𑒢 𑒞𑒞𑒼𑓄𑒮𑒰𑒫𑒣𑒞𑒠𑓂𑒦𑒳𑒫𑒱॥𑓓𑓖॥
तस्य निष्क्रामतो देवी प्रहस्य स्वनवत्ततः।
शिरश्चिच्छेद खड्‌‍गेन ततोऽसावपतद्भुवि॥३६॥

𑒞𑒞𑓁 𑒮𑒱𑓀𑒯𑒬𑓂𑒔𑒐𑒰𑒠𑒼𑒑𑓂𑒩𑒢𑓂𑒠𑓀𑒭𑓂𑒙𑓂𑒩𑒰𑒏𑓂𑒭𑒳𑒝𑓂𑒝𑒬𑒱𑒩𑒼𑒡𑒩𑒰𑒢𑓂।
𑒁𑒮𑒳𑒩𑒰𑒿𑒮𑓂𑒞𑒰𑒿𑒮𑓂𑒞𑒟𑒰 𑒏𑒰𑒪𑒲 𑒬𑒱𑒫𑒠𑒴𑒞𑒲 𑒞𑒟𑒰𑓄𑒣𑒩𑒰𑒢𑓂॥𑓓𑓗॥
ततः सिंहश्चखादोग्रन्दंष्ट्राक्षुण्णशिरोधरान्।
असुराँस्ताँस्तथा काली शिवदूती तथाऽपरान्॥३७॥

𑒏𑒾𑒧𑒰𑒩𑒲 𑒬𑒏𑓂𑒞𑒱𑒢𑒱𑒩𑓂𑒥𑓂𑒦𑒱𑒢𑓂𑒢𑒰𑓁 𑒏𑒹𑒔𑒱𑒢𑓂𑒢𑒹𑒬𑒳𑒩𑓂𑒧𑓂𑒧𑒯𑒰𑓄𑒮𑒳𑒩𑒰𑓁।
𑒥𑓂𑒩𑒯𑓂𑒧𑒰𑒝𑒲 𑒧𑒢𑓂𑒞𑓂𑒩𑒣𑒴𑒞𑒹𑒢 𑒞𑒼𑒨𑒹𑒢𑒰𑒢𑓂𑒨𑒹 𑒢𑒱𑒩𑒰𑒏𑒵𑒞𑒰𑓁॥𑓓𑓘॥
कौमारी शक्तिनिर्ब्भिन्नाः केचिन्नेशुर्म्महाऽसुराः।
ब्रह्माणी मन्त्रपूतेन तोयेनान्ये निराकृताः॥३८॥

𑒧𑒰𑒯𑒹𑒬𑓂𑒫𑒝𑒩𑒲 𑒞𑓂𑒩𑒱𑒬𑒴𑒪𑒹𑒢 𑒦𑒱𑒢𑓂𑒢𑒰𑓁 𑒣𑒹𑒞𑒳𑒮𑓂𑒞𑒟𑒰𑓄𑒣𑒩𑒹।
𑒫𑒰𑒩𑒰𑒯𑒲 𑒞𑒳𑒝𑓂𑒛𑒒𑒰𑒞𑒹𑒢 𑒏𑒹𑒔𑒱𑒔𑓂𑒔𑒴𑒩𑓂𑒝𑓂𑒝𑒲𑒏𑒵𑒞𑒰 𑒦𑒳𑒫𑒱॥𑓓𑓙॥
माहेश्वणरी त्रिशूलेन भिन्नाः पेतुस्तथाऽपरे।
वाराही तुण्डघातेन केचिच्चूर्ण्णीकृता भुवि॥३९॥

𑒐𑒝𑓂𑒛𑒐𑒝𑓂𑒛𑒘𑓂𑒔 𑒔𑒏𑓂𑒩𑒹𑒝 𑒫𑒻𑒭𑓂𑒝𑒫𑓂𑒨𑒰 𑒠𑒰𑒢𑒫𑒰𑓁 𑒏𑒵𑒞𑒰𑓁।
𑒫𑒖𑓂𑒩𑒹𑒝 𑒔𑒻𑒢𑓂𑒠𑓂𑒩𑒲𑒯𑒮𑓂𑒞𑒰𑒑𑓂𑒩𑒫𑒱𑒧𑒳𑒏𑓂𑒞𑒹𑒢 𑒞𑒟𑒰𑓄𑒣𑒩𑒹॥𑓔𑓐॥
खण्डखण्डञ्च चक्रेण वैष्णव्या दानवाः कृताः।
वज्रेण चैन्द्रीहस्ताग्रविमुक्तेन तथाऽपरे॥४०॥

𑒏𑒹𑒔𑒱𑒠𑓂𑒫𑒱𑒢𑒹𑒬𑒳𑒩𑒮𑒳𑒩𑒰𑓁 𑒏𑒹𑒔𑒱𑒢𑓂𑒢𑒭𑓂𑒙𑒰 𑒧𑒯𑒰𑓄𑓄𑒯𑒫𑒰𑒞𑓂।
𑒦𑒏𑓂𑒭𑒱𑒞𑒰𑒬𑓂𑒔𑒰𑒣𑒩𑒹 𑒏𑒰𑒪𑒲𑒬𑒱𑒫𑒠𑒴𑒞𑒲𑒧𑒵𑒑𑒰𑒡𑒱𑒣𑒻𑓁॥𑓔𑓑॥
केचिद्विनेशुरसुराः केचिन्नष्टा महाऽऽहवात्।
भक्षिताश्चापरे कालीशिवदूतीमृगाधिपैः॥४१॥

𑒃𑒞𑒱 𑒬𑓂𑒩𑒲𑒧𑒰𑒩𑓂𑒏𑓂𑒏𑒝𑓂𑒛𑒹𑒨𑒣𑒳𑒩𑒰𑒝𑒹 𑒮𑒰𑒫𑒩𑓂𑒝𑓂𑒝𑒱𑒏𑒹 𑒧𑒢𑓂𑒫𑒢𑓂𑒞𑒩𑒹 𑒠𑒹𑒫𑒲𑒧𑒰𑒯𑒰𑒞𑓂𑒧𑓂𑒨𑒹 𑒢𑒱𑒬𑒳𑒧𑓂𑒦𑒫𑒡𑓁॥𑓙॥

इति श्रीमार्क्कण्डेयपुराणे सावर्ण्णिके मन्वन्तरे देवीमाहात्म्ये निशुम्भवधः॥९॥

𑒬𑓂𑒩𑒲𑒧𑒰𑒩𑓂𑒏𑓂𑒏𑒝𑓂𑒛𑒹𑒨𑒣𑒳𑒩𑒰𑒝𑒹 𑒮𑒰𑒫𑒩𑓂𑒝𑓂𑒝𑒱𑒏𑒹 𑒧𑒢𑓂𑒫𑒢𑓂𑒞𑒩𑒹 𑒠𑒹𑒫𑒲𑒧𑒰𑒯𑒰𑒞𑓂𑒧𑓂𑒨𑒹 𑒬𑒳𑒧𑓂𑒦𑒫𑒡𑓁 ॥𑓑𑓐॥ – श्रीमार्क्कण्डेयपुराणे सावर्ण्णिके मन्वन्तरे देवीमाहात्म्ये शुम्भवधः ॥१०॥

𑒇𑒭𑒱𑒩𑒳𑒫𑒰𑒔॥𑓑॥

ऋषिरुवाच॥१॥
𑒢𑒱𑒬𑒳𑒧𑓂𑒦𑒢𑓂𑒢𑒱𑒯𑒞𑓀 𑒠𑒵𑒭𑓂𑒙𑓂𑒫𑒰 𑒦𑓂𑒩𑒰𑒞𑒩𑒧𑓂𑒣𑓂𑒩𑒰𑒝𑒮𑒧𑓂𑒧𑒱𑒞𑒧𑓂।
𑒯𑒢𑓂𑒨𑒧𑒰𑒢𑒧𑓂𑒥𑒪𑓀 𑒔𑒻𑒫 𑒬𑒳𑒧𑓂𑒦𑓁 𑒏𑓂𑒩𑒳𑒠𑓂𑒡𑒼𑓄𑒥𑓂𑒩𑒫𑒲𑒠𑓂𑒫𑒔𑓁॥𑓒॥

निशुम्भन्निहतं दृष्ट्‌वा भ्रातरम्प्राणसम्मितम्।
हन्यमानम्बलं चैव शुम्भः क्रुद्धोऽब्रवीद्वचः॥२॥

𑒥𑒪𑒰𑒥𑒪𑒹𑒣𑒰𑒠𑓂𑒠𑒳𑒭𑓂𑒙𑒹 𑒞𑓂𑒫𑓀 𑒧𑒰 𑒠𑒳𑒩𑓂𑒑𑒹 𑒑𑒩𑓂𑒫𑓂𑒫𑒧𑒰𑒫𑒯।
𑒁𑒢𑓂𑒨𑒰𑒮𑒰𑓀 𑒥𑒪𑒧𑒰𑒬𑓂𑒩𑒱𑒞𑓂𑒨 𑒨𑒳𑒠𑓂𑒡𑓂𑒨𑒮𑒹 𑒨𑒰𑒞𑒱𑒧𑒰𑒢𑒱𑒢𑒲॥𑓓॥
बलाबलेपाद्दुष्टे त्वं मा दुर्गे गर्व्वमावह।
अन्यासां बलमाश्रित्य युद्ध्यसे यातिमानिनी॥३॥

𑒠𑒹𑒫𑓂𑒨𑒳𑒫𑒰𑒔॥𑓔॥
देव्युवाच॥४॥

𑒋𑒏𑒻𑒫𑒰𑒯𑓀 𑒖𑒑𑒞𑓂𑒨𑒞𑓂𑒩 𑒠𑓂𑒫𑒱𑒞𑒲𑒨𑒰 𑒏𑒰 𑒧𑒧𑒰𑒣𑒩𑒰।
𑒣𑒬𑓂𑒨𑒻𑒞𑒰 𑒠𑒳𑒭𑓂𑒙 𑒧𑒨𑓂𑒨𑒹𑒫 𑒫𑒱𑒬𑒢𑓂𑒞𑓂𑒨𑒼𑒧𑒠𑓂𑒫𑒱𑒦𑒴𑒞𑒨𑓁॥𑓕॥
एकैवाहं जगत्यत्र द्वितीया का ममापरा।
पश्यैता दुष्ट मय्येव विशन्त्योमद्विभूतयः॥५॥

𑒞𑒞𑓁 𑒮𑒧𑒮𑓂𑒞𑒰𑒮𑓂𑒞𑒰 𑒠𑒹𑒫𑓂𑒨𑒼 𑒥𑓂𑒩𑒯𑓂𑒧𑒰𑒝𑒲𑒣𑓂𑒩𑒧𑒳𑒐𑒰 𑒪𑒨𑒧𑓂।
𑒞𑒮𑓂𑒨𑒰 𑒠𑒹𑒫𑓂𑒨𑒰𑒮𑓂𑒞𑒢𑒾 𑒖𑒑𑓂𑒧𑒳𑒩𑒹𑒏𑒻𑒫𑒰𑒮𑒲𑒞𑓂𑒞𑒠𑒰𑓄𑒧𑓂𑒥𑒱𑒏𑒰॥𑓖॥
ततः समस्तास्ता देव्यो ब्रह्माणीप्रमुखा लयम्।
तस्या देव्यास्तनौ जग्मुरेकैवासीत्तदाऽम्बिका॥६॥

𑒠𑒹𑒫𑓂𑒨𑒳𑒫𑒰𑒔॥𑓗॥
देव्युवाच॥७॥

𑒁𑒯𑓀 𑒫𑒱𑒦𑒴𑒞𑓂𑒨𑒰 𑒥𑒯𑒳𑒦𑒱𑒩𑒱𑒯 𑒩𑒴𑒣𑒻𑒩𑓂𑒨𑓂𑒨𑒠𑒰𑒮𑓂𑒟𑒱𑒞𑒰।
𑒞𑒞𑓂𑒮𑓀𑒯𑒵𑒞𑒧𑓂𑒧𑒨𑒻𑒏𑒻𑒫 𑒞𑒱𑒭𑓂𑒚𑒰𑒧𑓂𑒨𑒰𑒖𑒾 𑒮𑓂𑒟𑒱𑒩𑒼 𑒦𑒫॥𑓘॥
अहं विभूत्या बहुभिरिह रूपैर्य्यदास्थिता।
तत्संहृतम्मयैकैव तिष्ठाम्याजौ स्थिरो भव॥८॥

𑒇𑒭𑒱𑒩𑒳𑒫𑒰𑒔॥𑓙॥
ऋषिरुवाच।।९॥

𑒞𑒞𑓁 𑒣𑓂𑒩𑒫𑒫𑒵𑒞𑒹 𑒨𑒳𑒠𑓂𑒡𑒢𑓂𑒠𑒹𑒫𑓂𑒨𑒰𑓁 𑒬𑒳𑒧𑓂𑒦𑒮𑓂𑒨 𑒔𑒼𑒦𑒨𑒼𑓁।
𑒣𑒬𑓂𑒨𑒞𑒰𑓀 𑒮𑒩𑓂𑒫𑓂𑒫𑒠𑒹𑒫𑒰𑒢𑒰𑒧𑒮𑒳𑒩𑒰𑒝𑒰𑒘𑓂𑒔 𑒠𑒰𑒩𑒳𑒝𑒧𑓂॥𑓑𑓐॥

ततः प्रववृते युद्धन्देव्याः शुम्भस्य चोभयोः।
पश्यतां सर्व्वदेवानामसुराणाञ्च दारुणम्॥१०॥

𑒬𑒩𑒫𑒩𑓂𑒭𑒻𑓁 𑒬𑒱𑒞𑒻𑓁 𑒬𑒮𑓂𑒞𑓂𑒩𑒻𑒮𑓂𑒞𑒟𑒰𑒮𑓂𑒞𑓂𑒩𑒻𑒬𑓂𑒔𑒻𑒔𑒫 𑒠𑒰𑒩𑒳𑒝𑒻𑓁।
𑒞𑒨𑒼𑒩𑓂𑒨𑓂𑒨𑒳𑒠𑓂𑒡𑒧𑒦𑒴𑒠𑓂𑒦𑒴𑒨𑓁 𑒮𑒩𑓂𑒫𑒪𑒼𑒏𑒦𑒨𑒓𑓂𑒏𑒩𑒧𑓂॥𑓑𑓑॥

शरवर्षैः शितैः शस्त्रैस्तथास्त्रैश्चैचव दारुणैः।
तयोर्य्युद्धमभूद्भूयः सर्वलोकभयङ्करम्॥११॥

𑒠𑒱𑒫𑓂𑒨𑒰𑒢𑓂𑒨𑒮𑓂𑒞𑓂𑒩𑒰𑒝𑒱 𑒬𑒞𑒬𑒼 𑒧𑒳𑒧𑒳𑒔𑒹 𑒨𑒰𑒢𑓂𑒨𑒟𑒰𑒧𑓂𑒥𑒱𑒏𑒰।
𑒥𑒦𑒘𑓂𑒖 𑒞𑒰𑒢𑒱 𑒠𑒻𑒞𑓂𑒨𑒹𑒢𑓂𑒠𑓂𑒩𑒮𑓂𑒞𑒞𑓂𑒣𑓂𑒩𑒞𑒲𑒒𑒰𑒞𑒏𑒩𑓂𑒞𑓂𑒞𑒵𑒦𑒱𑓁॥𑓑𑓒॥

दिव्यान्यस्त्राणि शतशो मुमुचे यान्यथाम्बिका।
बभञ्ज तानि दैत्येन्द्रस्तत्प्रतीघातकर्त्तृभिः॥१२॥

𑒧𑒳𑒏𑓂𑒞𑒰𑒢𑒱 𑒞𑒹𑒢 𑒔𑒰𑒮𑓂𑒞𑓂𑒩𑒰𑒝𑒱 𑒠𑒱𑒫𑓂𑒨𑒰𑒢𑒱 𑒣𑒩𑒧𑒹𑒬𑓂𑒫𑒩𑒲।
𑒥𑒦𑒘𑓂𑒖 𑒪𑒲𑒪𑒨𑒻𑒫𑒼𑒑𑓂𑒩𑓀 𑒯𑒳𑒓𑓂𑒏𑒰𑒩𑒼𑒔𑓂𑒔𑒰𑒩𑒝𑒰𑒠𑒱𑒦𑒱𑓁॥𑓑𑓓॥

मुक्तानि तेन चास्त्राणि दिव्यानि परमेश्वरी।
बभञ्ज लीलयैवोग्रं हुङ्‌कारोच्चारणादिभिः॥१३॥

𑒞𑒞𑒬𑓂𑒬𑒩𑒬𑒞𑒻𑒩𑓂𑒠𑓂𑒠𑒹𑒫𑒲𑒧𑒰𑒔𑓂𑒕𑒰𑒠𑒨𑒞 𑒮𑒼𑓄𑒮𑒳𑒩𑓁।
𑒮𑒰𑓄𑒣𑒱 𑒞𑒞𑓂𑒏𑒳𑒣𑒱𑒞𑒰 𑒠𑒹𑒫𑒲 𑒡𑒢𑒳𑒬𑓂𑒔𑒱𑓂𑒔𑓂𑒕𑒹𑒠 𑒔𑒹𑒭𑒳𑒦𑒱𑓁॥𑓑𑓔॥

ततश्शरशतैर्द्देवीमाच्छादयत सोऽसुरः।
साऽपि तत्कुपिता देवी धनुश्चि्च्छेद चेषुभिः॥१४॥

𑒕𑒱𑒢𑓂𑒢𑒹 𑒡𑒢𑒳𑒭𑒱 𑒠𑒻𑒞𑓂𑒨𑒹𑒢𑓂𑒠𑓂𑒩𑒮𑓂𑒞𑒟𑒰 𑒬𑒏𑓂𑒞𑒱𑒧𑒟𑒰𑓄𑓄𑒠𑒠𑒹।
𑒔𑒱𑒔𑓂𑒕𑒹𑒠 𑒠𑒹𑒫𑒲 𑒔𑒏𑓂𑒩𑒹𑒝 𑒞𑒰𑒧𑒣𑓂𑒨𑒮𑓂𑒨 𑒏𑒩𑒹 𑒮𑓂𑒟𑒱𑒞𑒰𑒧𑓂॥𑓑𑓕॥

छिन्ने धनुषि दैत्येन्द्रस्तथा शक्तिमथाऽऽददे।
चिच्छेद देवी चक्रेण तामप्यस्य करे स्थिताम्॥१५॥

𑒞𑒞𑓁 𑒐𑒛𑓂𑒑𑒧𑒳𑒣𑒰𑒠𑒰𑒨 𑒬𑒞𑒔𑒢𑓂𑒠𑓂𑒩𑒘𑓂𑒔 𑒦𑒰𑒢𑒳𑒧𑒞𑓂।
𑒁𑒦𑓂𑒨𑒡𑒰𑒫𑒞𑓂𑒞𑒠𑒰 𑒠𑒹𑒫𑒲𑒢𑓂𑒠𑒻𑒞𑓂𑒨𑒰𑒢𑒰𑒧𑒡𑒱𑒣𑒹𑒬𑓂𑒫𑒩𑓁॥𑓑𑓖॥

ततः खड्‌गमुपादाय शतचन्द्रञ्च भानुमत्।
अभ्यधावत्तदा देवीन्दैत्यानामधिपेश्वरः॥१६॥

𑒞𑒮𑓂𑒨𑒰𑒣𑒞𑒞 𑒋𑒫𑒰𑓄𑓄𑒬𑒳 𑒐𑒛𑓂𑒑𑓀 𑒔𑒱𑒔𑓂𑒕𑒹𑒠 𑒔𑒝𑓂𑒛𑒱𑒏𑒰।
𑒡𑒢𑒳𑒩𑓂𑒧𑓂𑒧𑒳𑒏𑓂𑒞𑒻𑓁 𑒬𑒱𑒞𑒻𑒩𑓂𑒥𑓂𑒥𑒰𑒝𑒻𑒬𑓂𑒔𑒫𑒩𑓂𑒧𑓂𑒧𑒔𑒰𑒩𑓂𑒏𑓂𑒏𑒏𑒩𑒰𑒧𑒪𑒧𑓂॥𑓑𑓗॥

तस्यापतत एवाऽऽशु खड्‌गं चिच्छेद चण्डिका।
धनुर्म्मुक्तैः शितैर्ब्बाणैश्चवर्म्मचार्क्ककरामलम्॥१७॥

𑒯𑒞𑒰𑒬𑓂𑒫𑓁 𑒮 𑒞𑒠𑒰 𑒠𑒻𑒞𑓂𑒨𑒬𑓂𑒕𑒱𑒪𑒢𑓂𑒢𑒡𑒢𑓂𑒫𑒰 𑒫𑒱𑒮𑒰𑒩𑒟𑒱𑓁।
𑒖𑒑𑓂𑒩𑒰𑒯 𑒧𑒳𑒠𑓂𑒑𑒩𑓀 𑒒𑒼𑒩𑒧𑒧𑓂𑒥𑒱𑒏𑒰𑒢𑒱𑒡𑒢𑒼𑒠𑓂𑒨𑒞𑓁॥𑓑𑓘॥

हताश्वः स तदा दैत्यश्छिलन्नधन्वा विसारथिः।
जग्राह मुद्‌गरं घोरमम्बिकानिधनोद्यतः॥१८॥

𑒔𑒱𑒔𑓂𑒕𑒹𑒠𑒰𑒣𑒞𑒞𑒮𑓂𑒞𑒮𑓂𑒨 𑒧𑒳𑒠𑓂𑒑𑒩𑒢𑓂𑒢𑒱𑒬𑒱𑒞𑒻𑓁 𑒬𑒩𑒻𑓁।
𑒞𑒟𑒰𑓄𑒣𑒱 𑒮𑒼𑓄𑒦𑓂𑒨𑒡𑒰𑒫𑒞𑓂𑒞𑒰𑓀 𑒧𑒳𑒭𑓂𑒙𑒱𑒧𑒳𑒠𑓂𑒨𑒧𑓂𑒨 𑒫𑒹𑒑𑒫𑒰𑒢𑓂॥𑓑𑓙॥

चिच्छेदापततस्तस्य मुद्‌गरन्निशितैः शरैः।
तथाऽपि सोऽभ्यधावत्तां मुष्टिमुद्यम्य वेगवान्॥१९॥

𑒮 𑒧𑒳𑒭𑓂𑒙𑒱𑒧𑓂𑒣𑒰𑒞𑒨𑒰𑒧𑒰𑒮 𑒯𑒵𑒠𑒨𑒹 𑒠𑒻𑒞𑓂𑒨𑒣𑒳𑒓𑓂𑒑𑒫𑓁।
𑒠𑒹𑒫𑓂𑒨𑒰𑒮𑓂𑒞𑓀 𑒔𑒰𑒣𑒱 𑒮𑒰 𑒠𑒹𑒫𑒲 𑒞𑒪𑒹𑒢𑒼𑒩𑒮𑓂𑒨𑒞𑒰𑒛𑓃𑒨𑒞𑓂॥𑓒𑓐॥

स मुष्टिम्पातयामास हृदये दैत्यपुङ्‌गवः।
देव्यास्तं चापि सा देवी तलेनोरस्यताड़यत्॥२०॥

𑒞𑒪𑒣𑓂𑒩𑒯𑒰𑒩𑒰𑒦𑒱𑒯𑒞𑒼 𑒢𑒱𑒣𑒣𑒰𑒞 𑒧𑒯𑒲𑒞𑒪𑒹।
𑒮 𑒠𑒻𑒞𑓂𑒨𑒩𑒰𑒖𑓁 𑒮𑒯𑒮𑒰 𑒣𑒳𑒢𑒩𑒹𑒫 𑒞𑒟𑒼𑒞𑓂𑒟𑒱𑒞𑓁॥𑓒𑓑॥

तलप्रहाराभिहतो निपपात महीतले।
स दैत्यराजः सहसा पुनरेव तथोत्थितः॥२१॥

𑒅𑒞𑓂𑒣𑒞𑓂𑒨 𑒔 𑒣𑓂𑒩𑒑𑒵𑒯𑓂𑒨𑒼𑒔𑓂𑒔𑒻𑒩𑓂𑒠𑓂𑒠𑒹𑒫𑒲𑓀 𑒑𑒑𑒢𑒧𑒰𑒮𑓂𑒟𑒱𑒞𑓁।
𑒞𑒞𑓂𑒩𑒰𑒣𑒱 𑒮𑒰 𑒢𑒱𑒩𑒰𑒡𑒰𑒩𑒰 𑒨𑒳𑒨𑒳𑒡𑒹 𑒞𑒹𑒢 𑒔𑒝𑓂𑒛𑒱𑒏𑒰॥𑓒𑓒॥

उत्पत्य च प्रगृह्योच्चैर्द्देवीं गगनमास्थितः।
तत्रापि सा निराधारा युयुधे तेन चण्डिका॥२२॥

𑒢𑒱𑒨𑒳𑒠𑓂𑒡𑓀 𑒐𑒹 𑒞𑒠𑒰 𑒠𑒻𑒞𑓂𑒨𑒬𑓂𑒔𑒡𑒝𑓂𑒛𑒱𑒏𑒰 𑒔 𑒣𑒩𑒮𑓂𑒣𑒩𑒧𑓂।
𑒔𑒏𑓂𑒩𑒞𑒳𑓁 𑒣𑓂𑒩𑒟𑒧𑒨𑓂𑒨𑒿𑒠𑓂𑒡𑒧𑒳𑒢𑒱𑒫𑒱𑒮𑓂𑒧𑒨𑒏𑒰𑒩𑒏𑒧𑓂॥𑓒𑓓॥

नियुद्धं खे तदा दैत्यश्चधण्डिका च परस्परम्।
चक्रतुः प्रथमय्यँद्धमुनिविस्मयकारकम्॥२३॥

𑒞𑒞𑒼 𑒢𑒱𑒨𑒳𑒠𑓂𑒡𑓀 𑒮𑒳𑒔𑒱𑒩𑓀 𑒏𑒵𑒞𑓂𑒫𑒰 𑒞𑒹𑒢𑒰𑒧𑓂𑒥𑒱𑒏𑒰𑒮𑒯 ।
𑒅𑒞𑓂𑒣𑒰𑒞𑓂𑒨 𑒦𑓂𑒩𑒰𑒧𑒨𑒰𑒧𑒰𑒮 𑒔𑒱𑒏𑓂𑒭𑒹𑒣 𑒡𑒩𑒝𑒲𑒞𑒪𑒹 ॥𑓒𑓔॥

ततो नियुद्धं सुचिरं कृत्वा तेनाम्बिकासह ।
उत्पात्य भ्रामयामास चिक्षेप धरणीतले ॥२४॥

𑒮𑒏𑓂𑒭𑒱𑒣𑓂𑒞𑒼 𑒡𑒩𑒝𑒲𑒧𑓂𑒣𑓂𑒩𑒰𑒣𑓂𑒨 𑒧𑒳𑒭𑓂𑒙𑒱𑒧𑒳𑒠𑓂𑒨𑒧𑓂𑒨 𑒫𑒹𑒑𑒱𑒞: ।
𑒁𑒦𑓂𑒨𑒡𑒰𑒫𑒞 𑒠𑒳𑒭𑓂𑒙𑒰𑒞𑓂𑒧𑒰 𑒔𑒝𑓂𑒛𑒱𑒏𑒰𑒢𑒱𑒡𑒢𑒹𑒔𑓂𑒕𑒨𑒰 ॥𑓒𑓕॥

सक्षिप्तो धरणीम्प्राप्य मुष्टिमुद्यम्य वेगित: ।
अभ्यधावत दुष्टात्मा चण्डिकानिधनेच्छया ॥२५॥

𑒞𑒧𑒰𑒨𑒰𑒢𑓂𑒞𑓀 𑒞𑒞𑒼 𑒠𑒹𑒫𑒲 𑒮𑒩𑓂𑒫𑓂𑒫𑒠𑒻𑒞𑓂𑒨𑒖𑒢𑒹𑒬𑓂𑒫𑒩𑒧𑓂 ।
𑒖𑒑𑒞𑓂𑒨𑒰𑓀 𑒣𑒰𑒞𑒨𑒰𑒧𑒰𑒮 𑒦𑒱𑒞𑓂𑒞𑓂𑒫𑒰 𑒬𑒴𑒪𑒹𑒢 𑒫𑒏𑓂𑒭𑒮𑒱 ॥𑓒𑓖॥

तमायान्तं ततो देवी सर्व्वदैत्यजनेश्वरम् ।
जगत्यां पातयामास भित्त्वा शूलेन वक्षसि ॥२६॥

𑒮 𑒑𑒞𑒰𑒮𑒳: 𑒣𑒣𑒰𑒞𑒼𑒩𑓂𑒫𑓂𑒫𑓂𑒨𑒰𑓀 𑒠𑒹𑒫𑒲𑒬𑒴𑒪𑒰𑒑𑓂𑒩𑒫𑒱𑒏𑓂𑒭𑒞: ।
𑒔𑒰𑒪𑒨𑒢𑓂𑒞𑓂𑒮𑒏𑒪𑒰𑓀 𑒣𑒵𑒟𑓂𑒫𑒲𑓀 𑒮𑒰𑒥𑓂𑒡𑒱𑒠𑓂𑒫𑒲𑒣𑒰𑓀 𑒮𑒣𑒩𑓂𑒫𑓂𑒫𑒞𑒰𑒧𑓂॥𑓒𑓗॥

स गतासु: पपातोर्व्व्यां देवीशूलाग्रविक्षत: ।
चालयन्त्सकलां पृथ्वीं साब्धिद्वीपां सपर्व्वताम्।।२७॥

𑒞𑒞: 𑒣𑓂𑒩𑒮𑒢𑓂𑒢𑒧𑒐𑒱𑒪𑓀 𑒯𑒞𑒹 𑒞𑒮𑓂𑒧𑒱𑒢𑓂𑒠𑒳𑒩𑒰𑒞𑓂𑒧𑒢𑒱 ।
𑒖𑒑𑒞𑓂𑒮𑓂𑒫𑒰𑒮𑓂𑒟𑓂𑒨𑒧𑒞𑒲𑒫𑒰𑒣 𑒢𑒱𑒩𑓂𑒧𑓂𑒧𑒪𑒘𑓂𑒔𑒰𑒦𑒫𑒢𑓂𑒢𑒦: ॥𑓒𑓘॥

तत: प्रसन्नमखिलं हते तस्मिन्दुरात्मनि ।
जगत्स्वास्थ्यमतीवाप निर्म्मलञ्चाभवन्नभ: ॥२८॥

𑒅𑒞𑓂𑒣𑒰𑒞𑒧𑒹𑒒𑒰𑒮𑓂𑒮𑒼𑒪𑓂𑒏𑒰𑒨𑒹 𑒣𑓂𑒩𑒰𑒑𑒰𑒮𑒿𑒮𑓂𑒞𑒹 𑒬𑒧𑒨𑓂𑒨𑒿𑒨𑒳: ।
𑒮𑒩𑒱𑒞𑒼𑒧𑒰𑒩𑓂𑒑𑓂𑒑𑒫𑒰𑒯𑒱𑒢𑓂𑒨𑒮𑓂𑒞𑒟𑒰𑓄𑒮𑒿𑒮𑓂𑒞𑒞𑓂𑒩 𑒣𑒰𑒞𑒱𑒞𑒹 ॥𑓒𑓙॥

उत्पातमेघास्सोल्काये प्रागासँस्ते शमय्यँयु: ।
सरितोमार्ग्गवाहिन्यस्तथाऽसँस्तत्र पातिते ॥२९॥

𑒞𑒞𑒼 𑒠𑒹𑒫𑒑𑒝𑒰𑒮𑓂𑒮𑒩𑓂𑒫𑓂𑒫𑒹 𑒯𑒩𑓂𑒭𑒢𑒱𑒩𑓂𑒥𑓂𑒦𑒩𑒧𑒰𑒢𑒮𑒰𑓁।
𑒥𑒦𑒴𑒫𑒳𑒩𑓂𑒢𑓂𑒢𑒱𑒯𑒞𑒹 𑒞𑒮𑓂𑒧𑒱𑒢𑓂 𑒑𑒢𑓂𑒡𑒩𑓂𑒫𑓂𑒫𑒰 𑒪𑒪𑒱𑒞𑒘𑓂𑒖𑒑𑒳𑓁॥𑓓𑓐॥

ततो देवगणास्सर्व्वे हर्षनिर्ब्भरमानसाः।
बभूवुर्न्निहते तस्मिन् गन्धर्व्वा ललितञ्जगुः॥३०॥

𑒁𑒫𑒰𑒠𑒨𑒿𑒮𑓂𑒞𑒟𑒻𑒫𑒰𑒢𑓂𑒨𑒹 𑒢𑒢𑒵𑒞𑒳𑒬𑓂𑒔𑒰𑒫𑒣𑓂𑒮𑒩𑒼𑒑𑒝𑒰𑓁।
𑒫𑒫𑒳𑓁 𑒣𑒳𑒝𑓂𑒨𑒰𑒮𑓂𑒞𑒟𑒰 𑒫𑒰𑒞𑒰𑓁 𑒮𑒳𑒣𑓂𑒩𑒦𑒼𑓄𑒦𑒴𑒠𑓂𑒠𑒱𑒫𑒰𑒏𑒩𑓁॥𑓓𑓑॥

अवादयँस्तथैवान्ये ननृतुश्चावप्सरोगणाः।
ववुः पुण्यास्तथा वाताः सुप्रभोऽभूद्दिवाकरः॥३१॥

𑒖𑒖𑓂𑒫𑒪𑒳𑒬𑓂𑒔𑒰𑒑𑓂𑒢𑒨𑒬𑓂𑒬𑒰𑒢𑓂𑒞𑒰𑓁 𑒬𑒰𑒢𑓂𑒞𑒰𑒠𑒱𑒑𑓂𑒖𑒢𑒱𑒞𑒮𑓂𑒫𑒢𑒰𑓁॥𑓇॥𑓓𑓒॥

जज्वलुश्चाग्नयश्शान्ताः शान्तादिग्जनितस्वनाः॥ॐ॥३२॥

𑒃𑒞𑒱 𑒬𑓂𑒩𑒲𑒧𑒰𑒩𑓂𑒏𑓂𑒏𑒝𑓂𑒛𑒹𑒨𑒣𑒳𑒩𑒰𑒝𑒹 𑒮𑒰𑒫𑒩𑓂𑒝𑓂𑒝𑒱𑒏𑒹 𑒧𑒢𑓂𑒫𑒢𑓂𑒞𑒩𑒹 𑒠𑒹𑒫𑒲𑒧𑒰𑒯𑒰𑒞𑓂𑒧𑓂𑒨𑒹 𑒬𑒳𑒧𑓂𑒦𑒫𑒡𑓁 ॥𑓑𑓐॥

इति श्रीमार्क्कण्डेयपुराणे सावर्ण्णिके मन्वन्तरे देवीमाहात्म्ये शुम्भवधः ॥१०॥

𑒬𑓂𑒩𑒲𑒧𑒰𑒩𑓂𑒏𑓂𑒏𑒝𑓂𑒛𑒹𑒨𑒣𑒳𑒩𑒰𑒝𑒹 𑒮𑒰𑒫𑒩𑓂𑒝𑓂𑒝𑒱𑒏𑒹 𑒧𑒢𑓂𑒫𑒢𑓂𑒞𑒩𑒹 𑒠𑒹𑒫𑒲𑒧𑒰𑒯𑒰𑒞𑓂𑒧𑓂𑒨𑒹 𑒢𑒰𑒩𑒰𑒨𑒝𑒲𑒮𑓂𑒞𑒳𑒞𑒱𑓁॥𑓑𑓑॥ – श्रीमार्क्कण्डेयपुराणे सावर्ण्णिके मन्वन्तरे देवीमाहात्म्ये नारायणीस्तुतिः॥११॥

𑒇𑒭𑒱𑒩𑒳𑒫𑒰𑒔॥𑓑॥
ऋषिरुवाच॥१॥

𑒠𑒹𑒫𑓂𑒨𑒰 𑒯𑒞𑒹 𑒞𑒞𑓂𑒩 𑒧𑒯𑒰𑒮𑒳𑒩𑒹𑒢𑓂𑒠𑓂𑒩𑒹
𑒮𑒹𑒢𑓂𑒠𑓂𑒩𑒰𑓁 𑒮𑒳𑒩𑒰 𑒫𑒯𑓂𑒢𑒱𑒣𑒳𑒩𑒼𑒑𑒧𑒰𑒮𑓂𑒞𑒰𑒧𑓂।
𑒏𑒰𑒞𑓂𑒨𑒰𑒨𑒢𑒲𑒢𑓂𑒞𑒳𑒭𑓂𑒙𑒳𑒫𑒳𑒩𑒱𑒭𑓂𑒙𑒪𑒰𑒦𑒰
𑒠𑓂𑒫𑒱𑒏𑒰𑒬𑒱𑒫𑒏𑓂𑒞𑓂𑒩𑒰𑒥𑓂𑒖𑒫𑒱𑒏𑒰𑒬𑒱𑒞𑒰𑒬𑒰𑓁॥𑓒॥

देव्या हते तत्र महासुरेन्द्रे
सेन्द्राः सुरा वह्निपुरोगमास्ताम्।
कात्यायनीन्तुष्टुवुरिष्टलाभा
द्विकाशिवक्त्राब्जविकाशिताशाः॥२॥

𑒠𑒹𑒫𑒰 𑒆𑒔𑒳𑓁॥
𑒠𑒹𑒫𑒱 𑒣𑓂𑒩𑒣𑒢𑓂𑒢𑒰𑒩𑓂𑒞𑒱-𑒯𑒩𑒹 𑒣𑓂𑒩𑒮𑒲𑒠
𑒣𑓂𑒩𑒮𑒲𑒠 𑒧𑒰𑒞𑒩𑓂𑒖𑓂𑒖𑒑𑒞𑒼𑓄𑒐𑒱𑒪𑒮𑓂𑒨।
𑒣𑓂𑒩𑒮𑒲𑒠 𑒫𑒱𑒬𑓂𑒫𑒹𑒬𑓂𑒫𑒩𑒱 𑒣𑒰𑒯𑒱 𑒫𑒱𑒬𑓂𑒫𑓀
𑒞𑓂𑒫𑒧𑒲𑒬𑓂𑒫𑒩𑒲 𑒠𑒹𑒫𑒱 𑒔𑒩𑒰𑒔𑒩𑒮𑓂𑒨॥𑓓॥

देवा ऊचुः॥
देवि प्रपन्नार्ति-हरे प्रसीद
प्रसीद मातर्ज्जगतोऽखिलस्य।
प्रसीद विश्वेश्वरि पाहि विश्वं
त्वमीश्वरी देवि चराचरस्य॥३॥

𑒂𑒡𑒰𑒩𑒦𑒴𑒞𑒰 𑒖𑒑𑒞𑒮𑓂𑒞𑓂𑒫𑒧𑒹𑒏𑒰
𑒧𑒯𑒲𑒮𑓂𑒫𑒩𑒴𑒣𑒹𑒝 𑒨𑒞𑓁 𑒮𑓂𑒟𑒱𑒞𑒰𑓄𑒮𑒱।
𑒁𑒣𑒰𑓀 𑒮𑓂𑒫𑒩𑒴𑒣𑒮𑓂𑒟𑒱𑒞𑒨𑒰 𑒞𑓂𑒫𑒨𑒻𑒞-
𑒠𑒰𑒣𑓂𑒨𑒰𑒨𑒞𑒹 𑒏𑒵𑒞𑓂𑒮𑓂𑒢𑒧𑒪𑒓𑓂𑒒𑓂𑒨𑒫𑒲𑒩𑓂𑒨𑓂𑒨𑒰॥𑓔॥

आधारभूता जगतस्त्वमेका
महीस्वरूपेण यतः स्थिताऽसि।
अपां स्वरूपस्थितया त्वयैत-
दाप्यायते कृत्स्नमलङ्‌घ्यवीर्य्या॥४॥

𑒞𑓂𑒫𑓀 𑒫𑒻𑒭𑓂𑒝𑒫𑒲 𑒬𑒏𑓂𑒞𑒱𑒩𑒢𑒢𑓂𑒞𑒫𑒲𑒩𑓂𑒨𑓂𑒨𑒰
𑒫𑒱𑒬𑓂𑒫𑒫𑒮𑓂𑒨 𑒥𑒲𑒖𑒧𑓂𑒣𑒩𑒧𑒰𑓄𑒮𑒱 𑒧𑒰𑒨𑒰।
𑒮𑒧𑓂𑒧𑒼𑒯𑒱𑒞𑒢𑓂𑒠𑒹𑒫𑒱 𑒮𑒧𑒮𑓂𑒞𑒧𑒹𑒞𑒞𑓂
𑒞𑓂𑒫𑒫𑓂𑒿𑒫𑒻 𑒣𑓂𑒩𑒮𑒢𑓂𑒢𑒰 𑒦𑒳𑒫𑒱 𑒧𑒳𑒏𑓂𑒞𑒱𑒯𑒹𑒞𑒳𑓁॥𑓕॥

त्वं वैष्णवी शक्तिरनन्तवीर्य्या
विश्ववस्य बीजम्परमाऽसि माया।
सम्मोहितन्देवि समस्तमेतत्
त्वव्ँवै प्रसन्ना भुवि मुक्तिहेतुः॥५॥

𑒫𑒱𑒠𑓂𑒨𑒰𑓁 𑒮𑒧𑒮𑓂𑒞𑒰𑒮𑓂𑒞𑒫 𑒠𑒹𑒫𑒱 𑒦𑒹𑒠𑒰𑓁
𑒮𑓂𑒞𑓂𑒩𑒱𑒨𑓁 𑒮𑒧𑒮𑓂𑒞𑒰𑓁 𑒮𑒏𑒪𑒰 𑒖𑒑𑒞𑓂𑒮𑒳।
𑒞𑓂𑒫𑒨𑒻𑒏𑒨𑒰 𑒣𑒴𑒩𑒱𑒞𑒧𑒧𑓂𑒥𑒨𑒻𑒞𑒞𑓂
𑒏𑒰 𑒞𑒹 𑒮𑓂𑒞𑒳𑒞𑒱𑓁 𑒮𑓂𑒞𑒫𑓂𑒨𑒣𑒩𑒰 𑒣𑒩𑒼𑒏𑓂𑒞𑒱𑓁॥𑓖॥

विद्याः समस्तास्तव देवि भेदाः
स्त्रियः समस्ताः सकला जगत्सु।
त्वयैकया पूरितमम्बयैतत्
का ते स्तुतिः स्तव्यपरा परोक्तिः॥६॥

𑒮𑒩𑓂𑒫𑓂𑒫𑒦𑒴𑒞𑒰 𑒨𑒠𑒰 𑒠𑒹𑒫𑒲 𑒮𑓂𑒫𑒩𑓂𑒑𑒧𑒳𑒏𑓂𑒞𑒱𑒣𑓂𑒩𑒠𑒰𑒨𑒱𑒢𑒲।
𑒞𑓂𑒫𑓀 𑒮𑓂𑒞𑒳𑒞𑒰 𑒮𑓂𑒞𑒳𑒞𑒨𑒹 𑒏𑒰 𑒫𑒰 𑒦𑒫𑒢𑓂𑒞𑒳 𑒣𑒩𑒧𑒼𑒏𑓂𑒞𑒨𑓁॥𑓗॥

सर्व्वभूता यदा देवी स्वर्गमुक्तिप्रदायिनी।
त्वं स्तुता स्तुतये का वा भवन्तु परमोक्तयः॥७॥

𑒮𑒩𑓂𑒫𑒮𑓂𑒨 𑒥𑒳𑒠𑓂𑒡𑒱𑒩𑒴𑒣𑒹𑒝 𑒖𑒢𑒮𑓂𑒨 𑒯𑒵𑒠𑒱 𑒮𑓀𑒮𑓂𑒟𑒱𑒞𑒹।
𑒮𑓂𑒫𑒩𑓂𑒑𑓂𑒑𑒰𑒣𑒫𑒩𑓂𑒑𑓂𑒑𑒠𑒹 𑒠𑒹𑒫𑒱 𑒢𑒰𑒩𑒰𑒨𑒝𑒱 𑒢𑒧𑒼𑓄𑒮𑓂𑒞𑒳 𑒞𑒹॥𑓘॥

सर्वस्य बुद्धिरूपेण जनस्य हृदि संस्थिते।
स्वर्ग्गापवर्ग्गदे देवि नारायणि नमोऽस्तु ते॥८॥

𑒏𑒪𑒰𑒏𑒰𑒭𑓂𑒚𑒰𑒠𑒱𑒩𑒴𑒣𑒹𑒝 𑒣𑒩𑒱𑒝𑒰𑒧𑒣𑓂𑒩𑒠𑒰𑒨𑒱𑒢𑒱।
𑒫𑒱𑒬𑓂𑒫𑒭𑒮𑓂𑒨𑒼𑒣𑒩𑒞𑒾 𑒬𑒏𑓂𑒞𑒹 𑒢𑒰𑒩𑒰𑒨𑒝𑒱 𑒢𑒧𑒼𑓄𑒮𑓂𑒞𑒳 𑒞𑒹॥𑓙॥

कलाकाष्ठादिरूपेण परिणामप्रदायिनि।
विश्वषस्योपरतौ शक्ते नारायणि नमोऽस्तु ते॥९॥

𑒮𑒩𑓂𑒫𑓂𑒫𑒧𑒓𑓂𑒑𑒪𑒧𑓀𑒓𑓂𑒑𑒪𑓂𑒨𑒹 𑒬𑒱𑒫𑒹 𑒮𑒩𑓂𑒫𑓂𑒫𑒰𑒩𑓂𑒟𑒮𑒰𑒡𑒱𑒏𑒹।
𑒬𑒩𑒝𑓂𑒨𑒹 𑒞𑓂𑒩𑓂𑒨𑒧𑓂𑒥𑒏𑒹 𑒑𑒾𑒩𑒱 𑒢𑒰𑒩𑒰𑒨𑒝𑒱 𑒢𑒧𑒼𑓄𑒮𑓂𑒞𑒳 𑒞𑒹॥𑓑𑓐॥

सर्व्वमङ्‌गलमंङ्‌गल्ये शिवे सर्व्वार्थसाधिके।
शरण्ये त्र्यम्बके गौरि नारायणि नमोऽस्तु ते॥१०॥

𑒮𑒵𑒭𑓂𑒙𑒱𑒮𑓂𑒟𑒱𑒞𑒱𑒫𑒱𑒢𑒰𑒬𑒰𑒢𑒰𑓀 𑒬𑒏𑓂𑒞𑒱𑒦𑒴𑒞𑒹 𑒮𑒢𑒰𑒞𑒢𑒱।
𑒑𑒳𑒝𑒰𑒬𑓂𑒩𑒨𑒹 𑒑𑒳𑒝𑒧𑒨𑒹 𑒢𑒰𑒩𑒰𑒨𑒝𑒱 𑒢𑒧𑒼𑓄𑒮𑓂𑒞𑒳 𑒞𑒹॥𑓑𑓑॥

सृष्टिस्थितिविनाशानां शक्तिभूते सनातनि।
गुणाश्रये गुणमये नारायणि नमोऽस्तु ते॥११॥

𑒬𑒩𑒝𑒰𑒑𑒞𑒠𑒲𑒢𑒰𑒩𑓂𑒞𑓂𑒞𑒣𑒩𑒱𑒞𑓂𑒩𑒰𑒝𑒣𑒩𑒰𑒨𑒝𑒹।
𑒮𑒩𑓂𑒫𑓂𑒫𑒮𑓂𑒨𑒰𑒩𑓂𑒞𑓂𑒞𑒲𑒯𑒩𑒹 𑒠𑒹𑒫𑒱 𑒢𑒰𑒩𑒰𑒨𑒝𑒱 𑒢𑒧𑒼𑓄𑒮𑓂𑒞𑒳 𑒞𑒹॥𑓑𑓒॥+

शरणागतदीनार्त्तपरित्राणपरायणे।
सर्व्वस्यार्त्तीहरे देवि नारायणि नमोऽस्तु ते॥१२॥

𑒯𑓀𑒮𑒨𑒳𑒏𑓂𑒞𑒫𑒱𑒧𑒰𑒢𑒮𑓂𑒟𑒹 𑒥𑓂𑒩𑒯𑓂𑒧𑒰𑒝𑒲𑒩𑒴𑒣𑒡𑒰𑒩𑒱𑒝𑒱।
𑒏𑒾𑒬𑒰𑒧𑓂𑒦𑓁𑒏𑓂𑒭𑒩𑒱𑒏𑒹 𑒠𑒹𑒫𑒱 𑒢𑒰𑒩𑒰𑒨𑒝𑒱 𑒢𑒧𑒼𑓄𑒮𑓂𑒞𑒳 𑒞𑒹॥𑓑𑓓॥

हंसयुक्तविमानस्थे ब्रह्माणीरूपधारिणि।
कौशाम्भःक्षरिके देवि नारायणि नमोऽस्तु ते॥१३॥

𑒞𑓂𑒩𑒱𑒬𑒴𑒪𑒔𑒢𑓂𑒠𑓂𑒩𑒰𑒯𑒱𑒡𑒩𑒹 𑒧𑒯𑒰𑒫𑒵𑒭𑒦𑒫𑒰𑒯𑒱𑒢𑒱।
𑒧𑒰𑒯𑒹𑒬𑓂𑒫𑒔𑒩𑒲𑒮𑓂𑒫𑒩𑒴𑒣𑒹𑒝 𑒢𑒰𑒩𑒰𑒨𑒝𑒱 𑒢𑒧𑒼𑓄𑒮𑓂𑒞𑒳 𑒞𑒹॥𑓑𑓔॥

त्रिशूलचन्द्राहिधरे महावृषभवाहिनि।
माहेश्वचरीस्वरूपेण नारायणि नमोऽस्तु ते॥१४॥

𑒧𑒨𑒴𑒩𑒏𑒳𑒏𑓂𑒏𑒳𑒙𑒫𑒵𑒞𑒹 𑒧𑒯𑒰𑒬𑒏𑓂𑒞𑒱𑒡𑒩𑒹𑓄𑒢𑒒𑒹।
𑒏𑒾𑒧𑒰𑒩𑒲𑒩𑒴𑒣𑒮𑓀𑒮𑓂𑒟𑒰𑒢𑒹 𑒢𑒰𑒩𑒰𑒨𑒝𑒱 𑒢𑒧𑒼𑓄𑒮𑓂𑒞𑒳 𑒞𑒹॥𑓑𑓕॥

मयूरकुक्कुटवृते महाशक्तिधरेऽनघे।
कौमारीरूपसंस्थाने नारायणि नमोऽस्तु ते॥१५॥

𑒬𑒓𑓂𑒐-𑒔𑒏𑓂𑒩-𑒑𑒠𑒰-𑒬𑒰𑒓𑓂𑒩𑓂𑒑-𑒑𑒵𑒯𑒲𑒞𑒣𑒩𑒧𑒰𑒨𑒳𑒡𑒹।
𑒣𑓂𑒩𑒮𑒲𑒠 𑒫𑒻𑒭𑓂𑒝𑒫𑒲𑒩𑒴𑒣𑒹 𑒢𑒰𑒩𑒰𑒨𑒝𑒱 𑒢𑒧𑒼𑓄𑒮𑓂𑒞𑒳 𑒞𑒹॥𑓑𑓖॥

शङ्‌ख-चक्र-गदा-शाङ्‌र्ग-गृहीतपरमायुधे।
प्रसीद वैष्णवीरूपे नारायणि नमोऽस्तु ते॥१६॥

𑒑𑒵𑒯𑒲𑒞𑒼𑒑𑓂𑒩𑒧𑒯𑒰𑒔𑒏𑓂𑒩𑒹 𑒠𑓀𑒭𑓂𑒙𑓂𑒩𑒼𑒠𑓂𑒡𑒵𑒞𑒫𑒮𑒳𑒢𑓂𑒡𑒩𑒹।
𑒫𑒩𑒰𑒯𑒩𑒴𑒣𑒱𑒝𑒱 𑒬𑒱𑒫𑒹 𑒢𑒰𑒩𑒰𑒨𑒝𑒱 𑒢𑒧𑒼𑓄𑒮𑓂𑒞𑒳 𑒞𑒹॥𑓑𑓗॥

गृहीतोग्रमहाचक्रे दंष्ट्रोद्धृतवसुन्धरे।
वराहरूपिणि शिवे नारायणि नमोऽस्तु ते॥१७॥

𑒢𑒵𑒮𑒱𑓀𑒯𑒩𑒴𑒣𑒹𑒝𑒼𑒑𑓂𑒩𑒹𑒝 𑒯𑒢𑓂𑒞𑒳𑒢𑓂𑒠𑒻𑒞𑓂𑒨𑒰𑒢𑓂𑒏𑒵𑒞𑒼𑒠𑓂𑒨𑒧𑒹।
𑒞𑓂𑒩𑒻𑒪𑒼𑒏𑓂𑒨𑒞𑓂𑒩𑒰𑒝𑒮𑒯𑒱𑒞𑒹 𑒢𑒰𑒩𑒰𑒨𑒝𑒱 𑒢𑒧𑒼𑓄𑒮𑓂𑒞𑒳 𑒞𑒹॥𑓑𑓘॥

नृसिंहरूपेणोग्रेण हन्तुन्दैत्यान्कृतोद्यमे।
त्रैलोक्यत्राणसहिते नारायणि नमोऽस्तु ते॥१८॥

𑒏𑒱𑒩𑒲𑒙𑒱𑒢𑒱 𑒧𑒯𑒰𑒫𑒖𑓂𑒩𑒹 𑒮𑒯𑒮𑓂𑒩𑒢𑒨𑒢𑒼𑒖𑓂𑒖𑓂𑒫𑒪𑒹।
𑒫𑒵𑒞𑓂𑒩𑒣𑓂𑒩𑒰𑒝𑒯𑒩𑒹 𑒔𑒻𑒢𑓂𑒠𑓂𑒩𑒱 𑒢𑒰𑒩𑒰𑒨𑒝𑒱 𑒢𑒧𑒼𑓄𑒮𑓂𑒞𑒳 𑒞𑒹॥𑓑𑓙॥

किरीटिनि महावज्रे सहस्रनयनोज्ज्वले।
वृत्रप्राणहरे चैन्द्रि नारायणि नमोऽस्तु ते॥१९॥

𑒬𑒱𑒫𑒠𑒴𑒞𑒲𑒮𑓂𑒫𑒩𑒴𑒣𑒹𑒝 𑒯𑒞𑒠𑒻𑒞𑓂𑒨𑒧𑒯𑒰𑒥𑒪𑒹।
𑒒𑒼𑒩𑒩𑒴𑒣𑒹 𑒧𑒯𑒰𑒩𑒰𑒫𑒹 𑒢𑒰𑒩𑒰𑒨𑒝𑒱 𑒢𑒧𑒼𑓄𑒮𑓂𑒞𑒳 𑒞𑒹॥𑓒𑓐॥

शिवदूतीस्वरूपेण हतदैत्यमहाबले।
घोररूपे महारावे नारायणि नमोऽस्तु ते॥२०॥

𑒠𑓀𑒭𑓂𑒙𑓂𑒩𑒰𑒏𑒩𑒰𑒪𑒫𑒠𑒢𑒹 𑒬𑒱𑒩𑒼𑒧𑒰𑒪𑒰𑒫𑒱𑒦𑒴𑒭𑒝𑒹।
𑒔𑒰𑒧𑒳𑒝𑓂𑒛𑒹 𑒧𑒳𑒝𑓂𑒛𑒧𑒟𑒢𑒹 𑒢𑒰𑒩𑒰𑒨𑒝𑒱 𑒢𑒧𑒼𑓄𑒮𑓂𑒞𑒳 𑒞𑒹॥𑓒𑓑॥

दंष्ट्राकरालवदने शिरोमालाविभूषणे।
चामुण्डे मुण्डमथने नारायणि नमोऽस्तु ते॥२१॥

𑒪𑒏𑓂𑒭𑓂𑒧𑒱 𑒪𑒖𑓂𑒖𑒹 𑒧𑒯𑒰𑒫𑒱𑒠𑓂𑒨𑒹 𑒬𑓂𑒩𑒠𑓂𑒡𑒹 𑒣𑒳𑒭𑓂𑒙𑒱 𑒮𑓂𑒫𑒡𑒹 𑒡𑓂𑒩𑒳𑒫𑒹।
𑒧𑒯𑒰𑒩𑒰𑒞𑓂𑒩𑒱 𑒧𑒯𑒰𑒫𑒱𑒠𑓂𑒨𑒹 𑒢𑒰𑒩𑒰𑒨𑒝𑒱 𑒢𑒧𑒼𑓄𑒮𑓂𑒞𑒳 𑒞𑒹॥𑓒𑓒॥

लक्ष्मि लज्जे महाविद्ये श्रद्धे पुष्टि स्वधे ध्रुवे।
महारात्रि महाविद्ये नारायणि नमोऽस्तु ते॥२२॥

𑒧𑒹𑒡𑒹 𑒮𑒩𑒮𑓂𑒫𑒞𑒱 𑒫𑒩𑒹 𑒦𑒴𑒞𑒱 𑒥𑒰𑒦𑓂𑒩𑒫𑒱 𑒞𑒰𑒧𑒮𑒱।
𑒢𑒱𑒨𑒞𑒹 𑒞𑓂𑒫𑓀 𑒣𑓂𑒩𑒮𑒲𑒠𑒹𑒬𑒹 𑒢𑒰𑒩𑒰𑒨𑒝𑒱 𑒢𑒧𑒼𑓄𑒮𑓂𑒞𑒳 𑒞𑒹॥𑓒𑓓॥

मेधे सरस्वति वरे भूति बाभ्रवि तामसि।
नियते त्वं प्रसीदेशे नारायणि नमोऽस्तु ते॥२३॥

𑒮𑒩𑓂𑒫𑓂𑒫𑒮𑓂𑒫𑒩𑒴𑒣𑒹 𑒮𑒩𑓂𑒫𑒹𑒬𑒹 𑒮𑒩𑓂𑒫𑒬𑒏𑓂𑒞𑒱𑒮𑒧𑒢𑓂𑒫𑒱𑒞𑒹।
𑒦𑒨𑒹𑒦𑓂𑒨𑒮𑓂𑒞𑓂𑒩𑒰𑒯𑒱 𑒢𑒼 𑒠𑒹𑒫𑒱 𑒠𑒳𑒩𑓂𑒑𑓂𑒑𑒹 𑒠𑒹𑒫𑒱 𑒢𑒧𑒼𑓄𑒮𑓂𑒞𑒳 𑒞𑒹॥𑓒𑓔॥

सर्व्वस्वरूपे सर्वेशे सर्वशक्तिसमन्विते।
भयेभ्यस्त्राहि नो देवि दुर्ग्गे देवि नमोऽस्तु ते॥२४॥

𑒋𑒞𑒞𑓂𑒞𑒹 𑒫𑒠𑒢𑓀 𑒮𑒾𑒧𑓂𑒨𑓀 𑒪𑒼𑒔𑒢𑒞𑓂𑒩𑒨𑒦𑒴𑒭𑒱𑒞𑒧𑓂।
𑒣𑒰𑒞𑒳 𑒢𑓁 𑒮𑒩𑓂𑒫𑓂𑒫𑒦𑒲𑒞𑒱𑒦𑓂𑒨𑓁 𑒏𑒰𑒞𑓂𑒨𑒰𑒨𑒢𑒱 𑒢𑒧𑒼𑓄𑒮𑓂𑒞𑒳 𑒞𑒹॥𑓒𑓕॥

एतत्ते वदनं सौम्यं लोचनत्रयभूषितम्।
पातु नः सर्व्वभीतिभ्यः कात्यायनि नमोऽस्तु ते॥२५॥

𑒖𑓂𑒫𑒰𑒪𑒰𑒏𑒩𑒰𑒪𑒧𑒞𑓂𑒨𑒳𑒑𑓂𑒩𑒧𑒬𑒹𑒭𑒰𑒮𑒳𑒩𑒮𑒴𑒠𑒢𑒧𑓂।
𑒞𑓂𑒩𑒱𑒬𑒴𑒪𑒧𑓂𑒣𑒰𑒞𑒳 𑒢𑒼 𑒦𑒲𑒞𑒹𑒩𑓂𑒥𑓂𑒦𑒠𑓂𑒩𑒏𑒰𑒪𑒱 𑒢𑒧𑒼𑓄𑒮𑓂𑒞𑒳 𑒞𑒹॥𑓒𑓖॥

ज्वालाकरालमत्युग्रमशेषासुरसूदनम्।
त्रिशूलम्पातु नो भीतेर्ब्भद्रकालि नमोऽस्तु ते॥२६॥

𑒯𑒱𑒢𑒮𑓂𑒞𑒱 𑒠𑒻𑒞𑓂𑒨𑒞𑒹𑒖𑒰𑓀𑒮𑒱 𑒮𑓂𑒫𑒢𑒹𑒢𑒰𑒣𑒴𑒩𑓂𑒨𑓂𑒨 𑒨𑒰 𑒖𑒑𑒞𑓂।
𑒮𑒰 𑒒𑒝𑓂𑒙𑒰 𑒣𑒰𑒞𑒳 𑒢𑒼 𑒠𑒹𑒫𑒱 𑒣𑒰𑒣𑒹𑒦𑓂𑒨𑒼 𑒢𑓁 𑒮𑒳𑒞𑒰𑒢𑒱𑒫॥𑓒𑓗॥

हिनस्ति दैत्यतेजांसि स्वनेनापूर्य्य या जगत्।
सा घण्टा पातु नो देवि पापेभ्यो नः सुतानिव॥२७॥

𑒁𑒮𑒳𑒩𑒰𑒮𑒵𑒑𑓂𑒫𑒮𑒰𑒣𑒓𑓂𑒏𑒔𑒩𑓂𑒔𑓂𑒔𑒱𑒞𑒮𑓂𑒞𑒹 𑒏𑒩𑒼𑒖𑓂𑒖𑓂𑒫𑒪।
𑒬𑒳𑒦𑒰𑒨 𑒐𑒛𑓂𑒑𑒼 𑒦𑒫𑒞𑒳 𑒔𑒝𑓂𑒛𑒱𑒏𑒹 𑒞𑓂𑒫𑒰𑓀 𑒢𑒞𑒰 𑒫𑒨𑒧𑓂॥𑓒𑓘॥

असुरासृग्वसापङ्‌कचर्च्चितस्ते करोज्ज्वल।
शुभाय खड्‌गो भवतु चण्डिके त्वां नता वयम्॥२८॥

𑒩𑒼𑒑𑒰𑒢𑒬𑒹𑒭𑒰𑒢𑒣𑒯𑓀𑒮𑒱 𑒞𑒳𑒭𑓂𑒙𑒰
𑒩𑒳𑒭𑓂𑒙𑒰 𑒞𑒳 𑒏𑒰𑒧𑒰𑒢𑓂𑒞𑓂𑒮𑒏𑒪𑒰𑒢𑒦𑒲𑒭𑓂𑒙𑒰𑒢𑓂।
𑒞𑓂𑒫𑒰𑒧𑒰𑒬𑓂𑒩𑒱𑒞𑒰𑒢𑒰𑓀 𑒢 𑒫𑒱𑒣𑒢𑓂𑒢𑒩𑒰𑒝𑒰-
𑒢𑓂𑒞𑓂𑒫𑒰𑒧𑒰𑒬𑓂𑒩𑒱𑒞𑒰 𑒯𑓂𑒨𑒰𑒬𑓂𑒩𑒨𑒞𑒰𑓀 𑒣𑓂𑒩𑒨𑒰𑒢𑓂𑒞𑒱॥𑓒𑓙॥

रोगानशेषानपहंसि तुष्टा
रुष्टा तु कामान्त्सकलानभीष्टान्।
त्वामाश्रितानां न विपन्नराणा-
न्त्वामाश्रिता ह्याश्रयतां प्रयान्ति॥२९॥

𑒋𑒞𑒞𑓂𑒏𑒵𑒞𑒨𑓂𑒨𑒿𑒞𑓂𑒏𑒠𑒢𑓀 𑒞𑓂𑒫𑒨𑒰𑓄𑒠𑓂𑒨
𑒡𑒩𑓂𑒧𑓂𑒧𑒠𑓂𑒫𑒱𑒭𑒰𑓀 𑒠𑒹𑒫𑒱 𑒧𑒯𑒰𑓄𑒮𑒳𑒩𑒰𑒝𑒰𑒧𑓂।
𑒩𑒴𑒣𑒻𑒩𑒢𑒹𑒏𑒻𑒩𑓂𑒥𑓂𑒥𑒳𑒯𑒳𑒡𑒰𑒞𑓂𑒧𑒧𑒴𑒩𑓂𑒞𑒱𑓀
𑒓𑓂𑒏𑒵𑒞𑓂𑒫𑒰𑓄𑒧𑓂𑒥𑒱𑒏𑒹 𑒞𑒞𑓂𑒣𑓂𑒩𑒏𑒩𑒼𑒞𑒱 𑒏𑒰𑓄𑒢𑓂𑒨𑒰॥𑓓𑓐॥

एतत्कृतय्यँत्कदनं त्वयाऽद्य
धर्म्मद्विषां देवि महाऽसुराणाम्।
रूपैरनेकैर्ब्बुहुधात्ममूर्तिं
ङ्कृत्वाऽम्बिके तत्प्रकरोति काऽन्या॥३०॥

𑒫𑒱𑒠𑓂𑒨𑒰𑒮𑒳 𑒬𑒰𑒮𑓂𑒞𑓂𑒩𑒹𑒭𑒳 𑒫𑒱𑒫𑒹𑒏𑒠𑒲𑒣𑒹-
𑒭𑓂𑒫𑒰𑒠𑓂𑒨𑒹𑒭𑒳 𑒫𑒰𑒏𑓂𑒨𑒹𑒭𑒳 𑒔 𑒏𑒰 𑒞𑓂𑒫𑒠𑒢𑓂𑒨𑒰।
𑒧𑒧𑒞𑓂𑒫𑒑𑒩𑓂𑒞𑒹𑓄𑒞𑒱𑒧𑒯𑒰𑒢𑓂𑒡𑒏𑒰𑒩𑒹
𑒫𑒱𑒦𑓂𑒩𑒰𑒧𑒨𑒞𑓂𑒨𑒹𑒞𑒠𑒞𑒲𑒫 𑒫𑒱𑒬𑓂𑒫𑒧𑓂॥𑓓𑓑॥

विद्यासु शास्त्रेषु विवेकदीपे-
ष्वाद्येषु वाक्येषु च का त्वदन्या।
ममत्वगर्तेऽतिमहान्धकारे
विभ्रामयत्येतदतीव विश्वम्॥३१॥

𑒩𑒏𑓂𑒭𑒰𑓀𑒮𑒱 𑒨𑒞𑓂𑒩𑒼𑒑𑓂𑒩𑒫𑒱𑒭𑒰𑒬𑓂𑒔 𑒢𑒰𑒑𑒰-
𑒨𑒞𑓂𑒩𑒰𑒩𑒨𑒼 𑒠𑒮𑓂𑒨𑒳𑒥𑒪𑒰𑒢𑒱 𑒨𑒞𑓂𑒩।
𑒠𑒰𑒫𑒰𑒢𑒪𑒼 𑒨𑒞𑓂𑒩 𑒞𑒟𑒰𑒥𑓂𑒡𑒱𑒧𑒡𑓂𑒨𑒹
𑒞𑒞𑓂𑒩 𑒮𑓂𑒟𑒱𑒞𑒰 𑒞𑓂𑒫𑒧𑓂𑒣𑒩𑒱𑒣𑒰𑒮𑒱 𑒫𑒱𑒬𑓂𑒫𑒧𑓂॥𑓓𑓒॥

रक्षांसि यत्रोग्रविषाश्च नागा-
यत्रारयो दस्युबलानि यत्र।
दावानलो यत्र तथाब्धिमध्ये
तत्र स्थिता त्वम्परिपासि विश्वम्॥३२॥

𑒫𑒱𑒬𑓂𑒫𑒹𑓂𑒬𑓂𑒫𑒩𑒱 𑒞𑓂𑒫𑒧𑓂𑒣𑒩𑒱𑒣𑒰𑒮𑒱 𑒫𑒱𑒬𑓂𑒫𑓀-
𑒫𑓂𑒫𑒱𑒿𑒬𑓂𑒫𑒰𑒞𑓂𑒧𑒱𑒏𑒰 𑒡𑒰𑒩𑒨𑒮𑒲𑒞𑒱 𑒫𑒱𑒬𑓂𑒫𑒧𑓂।
𑒫𑒱𑒬𑓂𑒫𑒹𑓂𑒬𑒫𑒢𑓂𑒠𑓂𑒨𑒰 𑒦𑒫𑒞𑒲 𑒦𑒫𑒢𑓂𑒞𑒱
𑒫𑒱𑒬𑓂𑒫𑒰𑒬𑓂𑒩𑒨𑒰 𑒨𑒹 𑒞𑓂𑒫𑒨𑒱 𑒦𑒏𑓂𑒞𑒱𑒢𑒧𑓂𑒩𑒰𑓁॥𑓓𑓓॥

विश्वे्श्वरि त्वम्परिपासि विश्वं-
व्विँश्वात्मिका धारयसीति विश्वम्।
विश्वे्शवन्द्या भवती भवन्ति
विश्वाश्रया ये त्वयि भक्तिनम्राः॥३३॥

𑒠𑒹𑒫𑒱 𑒣𑓂𑒩𑒮𑒲𑒠 𑒣𑒩𑒱𑒣𑒰𑒪𑒨 𑒢𑒼𑓄𑒩𑒱𑒦𑒲𑒞𑒹-
𑒩𑓂𑒢𑒱𑒞𑓂𑒨𑓂𑒨𑒿𑒨𑒟𑒰𑓄𑒮𑒳𑒩𑒫𑒡𑒰𑒠𑒡𑒳𑒢𑒻𑒫 𑒮𑒠𑓂𑒨𑓁।
𑒣𑒰𑒣𑒰𑒢𑒱 𑒮𑒩𑓂𑒫𑓂𑒫𑒖𑒑𑒞𑒰𑓀 𑒣𑓂𑒩𑒬𑒧𑓀 𑒢𑒨𑒰𑒬𑒳
𑒅𑒞𑓂𑒣𑒰𑒞𑒣𑒰𑒏𑒖𑒢𑒱𑒞𑒰𑒿𑒬𑓂𑒔 𑒧𑒯𑒼𑒣𑒮𑒩𑓂𑒑𑓂𑒑𑒰𑒢𑓂॥𑓓𑓔॥

देवि प्रसीद परिपालय नोऽरिभीते-
र्नित्य्यँयथाऽसुरवधादधुनैव सद्यः।
पापानि सर्व्वजगतां प्रशमं नयाशु
उत्पातपाकजनिताँश्च महोपसर्ग्गान्॥३४॥

𑒣𑓂𑒩𑒝𑒞𑒰𑒢𑒰𑓀 𑒣𑓂𑒩𑒮𑒲𑒠 𑒞𑓂𑒫𑓀 𑒠𑒹𑒫𑒱 𑒫𑒱𑒬𑓂𑒫𑒰𑒫𑒩𑓂𑒞𑓂𑒞𑒱𑒯𑒰𑒩𑒱𑒝𑒱।
𑒞𑓂𑒩𑒻𑒪𑒼𑒏𑓂𑒨𑒫𑒰𑒮𑒱𑒢𑒰𑒧𑒲𑒛𑓂𑒨𑒹 𑒪𑒼𑒏𑒰𑒢𑒰𑓀 𑒫𑒩𑒠𑒰 𑒦𑒫॥𑓓𑓕॥

प्रणतानां प्रसीद त्वं देवि विश्वावर्त्तिहारिणि।
त्रैलोक्यवासिनामीड्ये लोकानां वरदा भव॥३५॥

𑒠𑒹𑒫𑓂𑒨𑒳𑒫𑒰𑒔॥𑓓𑓖॥

देव्युवाच॥३६॥

𑒫𑒩𑒠𑒰𑓄𑒯𑓀 𑒮𑒳𑒩𑒑𑒝𑒰 𑒫𑒩𑒨𑓂𑒨𑒿𑒢𑓂𑒧𑒢𑒮𑒹𑒔𑓂𑒕𑒟।
𑒞𑓀 𑒫𑒵𑒝𑒳𑒡𑓂𑒫𑓀 𑒣𑓂𑒩𑒨𑒔𑓂𑒕𑒰𑒧𑒱 𑒖𑒑𑒞𑒰𑒧𑒳𑒣𑒏𑒰𑒩𑒏𑒧𑓂॥𑓓𑓗॥

वरदाऽहं सुरगणा वरय्यँन्मनसेच्छथ।
तं वृणुध्वं प्रयच्छामि जगतामुपकारकम्॥३७॥

𑒠𑒹𑒫𑒰 𑒆𑒔𑒳𑓁॥𑓓𑓘॥

देवा ऊचुः॥३८॥

𑒮𑒩𑓂𑒫𑓂𑒫𑒰𑒥𑒰𑒡𑒰𑒣𑓂𑒩𑒬𑒧𑒢𑒢𑓂𑒞𑓂𑒩𑒻𑒪𑒼𑒏𑓂𑒨𑒮𑓂𑒨𑒰𑓄𑒐𑒱𑒪𑒹𑒬𑓂𑒫𑒩𑒱।
𑒋𑒫𑒧𑒹𑒫 𑒞𑓂𑒫𑒨𑒰 𑒏𑒰𑒩𑓂𑒨𑓂𑒨𑒧𑒮𑓂𑒧𑒠𑓂𑒫𑒻𑒩𑒱𑒫𑒱𑒢𑒰𑒬𑒢𑒧𑓂॥𑓓𑓙॥

सर्व्वाबाधाप्रशमनन्त्रैलोक्यस्याऽखिलेश्वरि।
एवमेव त्वया कार्य्यमस्मद्वैरिविनाशनम्॥३९॥

𑒠𑒹𑒫𑓂𑒨𑒳𑒫𑒰𑒔॥𑓔𑓐॥

देव्युवाच॥४०॥

𑒫𑒻𑒫𑒮𑓂𑒫𑒞𑒹𑓄𑒢𑓂𑒞𑒩𑒹 𑒣𑓂𑒩𑒰𑒣𑓂𑒞𑒹 𑒁𑒭𑓂𑒙𑒰𑒫𑒱𑓀𑒬𑒞𑒱𑒧𑒹 𑒨𑒳𑒑𑒹।
𑒬𑒳𑒧𑓂𑒦𑒼 𑒢𑒱𑒬𑒳𑒧𑓂𑒦𑒬𑓂𑒔𑒻𑒰𑒫𑒰𑒢𑓂𑒨𑒰𑒫𑒳𑒞𑓂𑒣𑒞𑓂𑒮𑓂𑒨𑒹𑒞𑒹 𑒧𑒯𑒰𑒮𑒳𑒩𑒾॥𑓔𑓑॥

वैवस्वतेऽन्तरे प्राप्ते अष्टाविंशतिमे युगे।
शुम्भो निशुम्भश्चैावान्यावुत्पत्स्येते महासुरौ॥४१॥

𑒢𑒢𑓂𑒠𑒑𑒼𑒣𑒑𑒵𑒯𑒹 𑒖𑒰𑒞𑒰 𑒨𑒬𑒼𑒠𑒰𑒑𑒩𑓂𑒦𑒮𑒧𑓂𑒦𑒫𑒰।
𑒞𑒞𑒮𑓂𑒞𑒾 𑒢𑒰𑒬𑒨𑒱𑒭𑓂𑒨𑒰𑒧𑒱 𑒫𑒱𑒢𑓂𑒡𑓂𑒨𑒰𑒔𑒪𑒢𑒱𑒫𑒰𑒮𑒱𑒢𑒲॥𑓔𑓒॥

नन्दगोपगृहे जाता यशोदागर्भसम्भवा।
ततस्तौ नाशयिष्यामि विन्ध्याचलनिवासिनी॥४२॥

𑒣𑒳𑒢𑒩𑒣𑓂𑒨𑒞𑒱𑒩𑒾𑒠𑓂𑒩𑒹𑒝 𑒩𑒴𑒣𑒹𑒝 𑒣𑒵𑒟𑒱𑒫𑒲𑒞𑒪𑒹।
𑒁𑒫𑒞𑒲𑒩𑓂𑒨𑓂𑒨 𑒯𑒢𑒱𑒭𑓂𑒨𑒰𑒧𑒱 𑒫𑒻𑒣𑓂𑒩𑒔𑒱𑒞𑓂𑒞𑒰𑒿𑒮𑓂𑒞𑒳 𑒠𑒰𑒢𑒫𑒰𑒢𑓂॥𑓔𑓓॥

पुनरप्यतिरौद्रेण रूपेण पृथिवीतले।
अवतीर्य्य हनिष्यामि वैप्रचित्ताँस्तु दानवान्॥४३॥

𑒦𑒏𑓂𑒭𑒨𑒢𑓂𑒞𑓂𑒨𑒰𑒬𑓂𑒔𑒰 𑒞𑒰𑒢𑒳𑒑𑓂𑒩𑒰𑒢𑓂𑒫𑒻𑒣𑓂𑒩𑒔𑒱𑒞𑓂𑒞𑒰𑒢𑓂𑒧𑒯𑒰𑒮𑒳𑒩𑒰𑒢𑓂।
𑒩𑒏𑓂𑒞𑒰 𑒠𑒢𑓂𑒞𑒰 𑒦𑒫𑒱𑒭𑓂𑒨𑒢𑓂𑒞𑒱 𑒠𑒰𑒛𑓃𑒱𑒧𑒲𑒏𑒳𑒮𑒳𑒧𑒼𑒣𑒧𑒰𑓁॥𑓔𑓔॥

भक्षयन्त्याश्चा तानुग्रान्वैप्रचित्तान्महासुरान्।
रक्ता दन्ता भविष्यन्ति दाड़िमीकुसुमोपमाः॥४४॥

𑒞𑒞𑒼 𑒧𑒰𑒢𑓂𑒠𑒹𑒫𑒞𑒰𑓁 𑒮𑓂𑒫𑒩𑓂𑒑𑒹 𑒧𑒩𑓂𑒞𑓂𑒨𑒪𑒼𑒏𑒹 𑒔 𑒧𑒰𑒢𑒫𑒰𑓁।
𑒮𑓂𑒞𑒳𑒫𑒢𑓂𑒞𑒼 𑒫𑓂𑒨𑒰𑒯𑒩𑒱𑒭𑓂𑒨𑒢𑓂𑒞𑒱 𑒮𑒞𑒞𑓀 𑒩𑒏𑓂𑒞𑒠𑒢𑓂𑒞𑒱𑒏𑒰𑒧𑓂॥𑓔𑓕॥

ततो मान्देवताः स्वर्गे मर्त्यलोके च मानवाः।
स्तुवन्तो व्याहरिष्यन्ति सततं रक्तदन्तिकाम्॥४५॥

𑒦𑒴𑒨𑒬𑓂𑒔𑓂 𑒬𑒞𑒫𑒰𑒩𑓂𑒭𑒱𑒏𑓂𑒨𑒰𑒧𑒢𑒰𑒫𑒵𑒭𑓂𑒙𑓂𑒨𑒰𑒧𑒢𑒧𑓂𑒦𑒮𑒱।
𑒧𑒳𑒢𑒱𑒦𑒱𑓁 𑒮𑓀𑒮𑓂𑒞𑒳𑒞𑒰 𑒦𑒴𑒧𑒾 𑒮𑒧𑓂𑒦𑒫𑒱𑒭𑓂𑒨𑒰𑒧𑓂𑒨𑒨𑒼𑒢𑒱𑒖𑒰॥𑓔𑓖॥

भूयश्च् शतवार्षिक्यामनावृष्ट्यामनम्भसि।
मुनिभिः संस्तुता भूमौ सम्भविष्याम्ययोनिजा॥४६॥

𑒞𑒞𑓁 𑒬𑒞𑒹𑒢 𑒢𑒹𑒞𑓂𑒩𑒰𑒝𑒰𑓀 𑒢𑒱𑒩𑒲𑒏𑓂𑒭𑒱𑒭𑓂𑒨𑒰𑒧𑒱 𑒨 𑒧𑒳𑒢𑒲𑒢𑓂।
𑒏𑒲𑒩𑓂𑒞𑓂𑒞𑒨𑒱𑒭𑓂𑒨𑒢𑓂𑒞𑒱 𑒧𑒢𑒳𑒖𑒰𑓁 𑒬𑒞𑒰𑒏𑓂𑒭𑒲𑒧𑒱𑒞𑒱 𑒧𑒰𑒢𑓂𑒞𑒞𑓁॥𑓔𑓗॥

ततः शतेन नेत्राणां निरीक्षिष्यामि य मुनीन्।
कीर्त्तयिष्यन्ति मनुजाः शताक्षीमिति मान्ततः॥४७॥

𑒞𑒞𑒼𑓄𑒯𑒧𑒐𑒱𑒪𑒪𑓂𑒪𑒼𑒿𑒏𑒧𑒰𑒞𑓂𑒧𑒠𑒹𑒯𑒮𑒧𑒳𑒠𑓂𑒦𑒫𑒻𑓁।
𑒦𑒩𑒱𑒭𑓂𑒨𑒰𑒧𑒱 𑒮𑒳𑒩𑒰𑓁 𑒬𑒰𑒏𑒻𑒩𑒰𑒫𑒵𑒭𑓂𑒙𑒹𑓁 𑒣𑓂𑒩𑒰𑒝𑒡𑒰𑒩𑒏𑒻𑓁॥𑓔𑓘॥

ततोऽहमखिलल्लोँकमात्मदेहसमुद्भवैः।
भरिष्यामि सुराः शाकैरावृष्टेः प्राणधारकैः॥४८॥

𑒬𑒰𑒏𑒧𑓂𑒦𑒩𑒲𑒞𑒱 𑒫𑒱𑒐𑓂𑒨𑒰𑒞𑒱𑒢𑓂𑒞𑒠𑒰𑒨𑒰𑒮𑓂𑒨𑒰𑒧𑓂𑒨𑒯𑒧𑓂𑒦𑒳𑒫𑒱।
𑒞𑒞𑓂𑒩𑒻𑒫 𑒔 𑒫𑒡𑒱𑒭𑓂𑒨𑒰𑒧𑒱 𑒠𑒳𑒩𑓂𑒑𑒧𑒰𑒐𑓂𑒨𑓀 𑒧𑒯𑒰𑓄𑒮𑒳𑒩𑒧𑓂॥𑓔𑓙॥

शाकम्भरीति विख्यातिन्तदायास्याम्यहम्भुवि।
तत्रैव च वधिष्यामि दुर्गमाख्यं महाऽसुरम्॥४९॥

𑒠𑒳𑒩𑓂𑒑𑓂𑒑𑒰𑒠𑒹𑒫𑒲𑒞𑒱 𑒫𑒱𑒐𑓂𑒨𑒰𑒞𑓀 𑒞𑒢𑓂𑒧𑒹 𑒢𑒰𑒧 𑒦𑒫𑒱𑒭𑓂𑒨𑒞𑒱।
𑒣𑒳𑒢𑒬𑓂𑒔𑒰𑒯𑓀 𑒨𑒠𑒰 𑒦𑒲𑒧𑓀 𑒩𑒴𑒣𑒓𑓂𑒏𑒵𑒞𑓂𑒫𑒰 𑒯𑒱𑒧𑒰𑒔𑒪𑒹॥𑓕𑓐॥

दुर्ग्गादेवीति विख्यातं तन्मे नाम भविष्यति।
पुनश्चाहं यदा भीमं रूपङ्कृत्वा हिमाचले॥५०॥

𑒩𑒏𑓂𑒭𑒰𑓀𑒮𑒱 𑒦𑒏𑓂𑒭𑒨𑒱𑒭𑓂𑒨𑒰𑒧𑒱 𑒧𑒳𑒢𑒲𑒢𑒰𑒢𑓂𑒞𑓂𑒩𑒰𑒝𑒏𑒰𑒩𑒝𑒰𑒞𑓂।
𑒞𑒠𑒰 𑒧𑒰𑓀 𑒧𑒳𑒢𑒨𑓁 𑒮𑒩𑓂𑒫𑓂𑒫𑒹 𑒮𑓂𑒞𑒼𑒭𑓂𑒨𑒢𑓂𑒞𑓂𑒨𑒰𑒢𑒧𑓂𑒩𑒧𑒴𑒩𑓂𑒞𑓂𑒞𑒨𑓁॥𑓕𑓑॥

रक्षांसि भक्षयिष्यामि मुनीनान्त्राणकारणात्।
तदा मां मुनयः सर्व्वे स्तोष्यन्त्यानम्रमूर्त्तयः॥५१॥

𑒦𑒲𑒧𑒰𑒠𑒹𑒫𑒲𑒞𑒱 𑒫𑒱𑒐𑓂𑒨𑒰𑒞𑒢𑓂𑒞𑒢𑓂𑒧𑒹 𑒢𑒰𑒧 𑒦𑒫𑒱𑒭𑓂𑒨𑒞𑒱।
𑒨𑒠𑒰𑒩𑒳𑒝𑒰𑒐𑓂𑒨𑒮𑓂𑒞𑓂𑒩𑒻𑒪𑒼𑒏𑓂𑒨𑒹 𑒧𑒯𑒰𑒥𑒰𑒡𑒰𑒓𑓂𑒏𑒩𑒱𑒭𑓂𑒨𑒞𑒱॥𑓕𑓒॥

भीमादेवीति विख्यातन्तन्मे नाम भविष्यति।
यदारुणाख्यस्त्रैलोक्ये महाबाधाङ्करिष्यति॥५२॥

𑒞𑒠𑒰𑓄𑒯𑓀 𑒦𑓂𑒩𑒰𑒧𑒩𑓀 𑒩𑒴𑒣𑓀 𑒏𑒵𑒞𑓂𑒫𑒰𑓄𑒮𑒓𑓂𑒐𑓂𑒨𑒹𑒨𑒭𑒙𑓂𑒣𑒠𑒧𑓂।
𑒞𑓂𑒩𑒻𑒪𑒼𑒏𑓂𑒨𑒮𑓂𑒨 𑒯𑒱𑒞𑒰𑒩𑓂𑒟𑒰𑒨 𑒫𑒡𑒱𑒭𑓂𑒨𑒰𑒧𑒱 𑒧𑒯𑒰𑒮𑒳𑒩𑒧𑓂॥𑓕𑓓॥

तदाऽहं भ्रामरं रूपं कृत्वाऽसङ्ख्येयषट्‌पदम्।
त्रैलोक्यस्य हितार्थाय वधिष्यामि महासुरम्॥५३॥

𑒦𑓂𑒩𑒰𑒧𑒩𑒲𑒞𑒱 𑒔 𑒧𑒰𑒪𑓂𑒪𑒼𑒿𑒏𑒰𑒮𑓂𑒞𑒠𑒰 𑒮𑓂𑒞𑒼𑒭𑓂𑒨𑒢𑓂𑒞𑒱 𑒮𑒩𑓂𑒫𑓂𑒫𑒞𑓁।
𑒃𑒞𑓂𑒟𑒨𑓂𑒨𑒿𑒠𑒰 𑒨𑒠𑒰 𑒥𑒰𑒡𑒰 𑒠𑒰𑒢𑒫𑒼𑒞𑓂𑒟𑒰 𑒦𑒫𑒱𑒭𑓂𑒨𑒞𑒱॥𑓕𑓔॥

भ्रामरीति च माल्लोँकास्तदा स्तोष्यन्ति सर्व्वतः।
इत्थय्यँदा यदा बाधा दानवोत्था भविष्यति॥५४॥

𑒞𑒠𑒰 𑒞𑒠𑒰𑓄𑒫𑒞𑒲𑒩𑓂𑒨𑓂𑒨𑒰𑒯𑒓𑓂𑒏𑒩𑒱𑒭𑓂𑒨𑒰𑒧𑓂𑒨𑒩𑒱𑒮𑒓𑓂𑒏𑓂𑒭𑒨𑒧𑓂॥𑓕𑓕॥

तदा तदाऽवतीर्य्याहङ्करिष्याम्यरिसङ्क्षयम्॥५५॥

𑒃𑒞𑒱 𑒬𑓂𑒩𑒲𑒧𑒰𑒩𑓂𑒏𑓂𑒏𑒝𑓂𑒛𑒹𑒨𑒣𑒳𑒩𑒰𑒝𑒹 𑒮𑒰𑒫𑒩𑓂𑒝𑓂𑒝𑒱𑒏𑒹 𑒧𑒢𑓂𑒫𑒢𑓂𑒞𑒩𑒹 𑒠𑒹𑒫𑒲𑒧𑒰𑒯𑒰𑒞𑓂𑒧𑓂𑒨𑒹 𑒢𑒰𑒩𑒰𑒨𑒝𑒲𑒮𑓂𑒞𑒳𑒞𑒱𑓁॥𑓑𑓑॥

इति श्रीमार्क्कण्डेयपुराणे सावर्ण्णिके मन्वन्तरे देवीमाहात्म्ये नारायणीस्तुतिः॥११॥